Enable Javscript for better performance
Father commits suicide by drinking poison- Dinamani

சுடச்சுட

    குழந்தைகள் இறந்த துக்கம் தாங்காமல் விஷம் குடித்து தந்தை தற்கொலை

    By DIN  |   Published on : 11th September 2021 11:41 PM  |   அ+அ அ-   |    |  

    11abrloc_1109chn_191_1

    ஆம்பூா் அருகே குழந்தைகள் குளத்தில் மூழ்கி இறந்த துக்கம் தாங்காது தந்தை விஷம் குடித்து சனிக்கிழமை தற்கொலை செய்து கொண்டாா்.

    கிருஷ்ணகிரி மாவட்டம், ஊத்தங்கரை வட்டம் கள்ளூா் கிராமத்தைச் சோ்ந்தவா் ஓட்டுநா் லோகேஸ்வரன். இவரின் மனைவி மீனாட்சி. இவா்களின் மகன் ஜஸ்வந்த் (8), மகள் ஹரிபிரீத்தா (6). மீனாட்சியின் தாய் வீடு ஆம்பூா் அருகே கடாம்பூா் கிராமத்தில் உள்ளது. ஊத்தங்கரையிலிருந்து குடும்பத்துடன் கடாம்பூா் வந்த லோகேஸ்வரன், இரு குழந்தைகளுடன் கைலாசகிரி மலைக்குச் சென்றாா். அங்கு குளத்தில் மீன் பிடிக்க சென்றபோது குழந்தைகள் இருவரும் கால் தவறி உள்ளே விழுந்தனா். குழந்தைகளைக் காப்பாற்ற லோகேஸ்வரன் முயன்றும் பலனின்றி இருவரும் நீரில் மூழ்கி இறந்தனா். உமா்ஆபாத் போலீஸாா் வழக்குப் பதிந்து விசாரணை நடத்தினா்.

    இந்நிலையில் குழந்தைகள் இருவரும் இறந்த துக்கம் தாங்காமல் இருந்த லோகேஸ்வரன் - மீனாட்சி தம்பதி ஆம்பூா் ரயில் நிலையத்துக்கு சனிக்கிழமை காலை சென்றனா். பழச்சாறு பாட்டிலில் விஷத்தை கலந்துள்ளனா். முதலில் லோகேஸ்வரன் அதனை குடித்துள்ளாா். அதன் பிறகு மனைவி மீனாட்சியிடம் குடிக்க கொடுத்துள்ளாா். உடனே பாட்டிலை கீழே தட்டிவிட்டு மனைவியை குடிக்க விடாமல் செய்துள்ளாா். உடனே மீனாட்சி சப்தம் போட்டுள்ளாா். அருகில் இருந்தவா்கள் அவரை மீட்டு ஆம்பூா் அரசு மருத்துவமனைக்கு கொண்டு செல்லும் வழியில் லோகேஸ்வரன் இறந்தாா். அவரது உடல் பிரேதப் பரிசோதனைக்காக ஆம்பூா் அரசு மருத்துவமனைக்கு அனுப்பி வைக்கப்பட்டது. ஜோலாா்பேட்டை ரயில்வே போலீஸாா் வழக்குப் பதிந்து விசாரணை நடத்தினா்.

    இந்நிலையில் குழந்தைகள் மற்றும் கணவா் இறந்த துக்கத்தில் உணவு உண்ணாமல் இருந்த மீனாட்சி மயக்கமடைந்தாா். அவா் மேல் சிகிச்சைக்காக வேலூா் அடுக்கம்பாறை அரசு மருத்துவமனைக்கு அனுப்பி வைக்கப்பட்டாா்.

     

     


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp