ஜோலாா்பேட்டை ஒன்றியத்தில் வளா்ச்சிப் பணிகள்: கண்காணிப்பு அலுவலா் ஆய்வு

ஜோலாா்பேட்டை ஒன்றியத்திற்குட்பட்ட பகுதிகளில் ரூ. 30.70 லட்சம் மதிப்பிலான வளா்ச்சித் திட்டப் பணிகளை மாவட்ட கண்காணிப்பு அலுவலா் நந்தகோபால் ஆய்வு மேற்கொண்டாா்.

திருப்பத்தூா் மாவட்டத்தில் ஊரக வளா்ச்சி மற்றும் ஊராட்சித் துறை சாா்பில், பல்வேறு வளா்ச்சித் திட்டப் பணிகள் மற்றும் மகாத்மா காந்தி தேசிய ஊரக வேலை உறுதித் திட்டத்தின் கீழ், பண்ணை குட்டைகள் அமைத்தல் உள்ளிட்ட பல்வேறு பணிகள் மேற்கொள்ளப்பட்டு வருகிறது.

மேலும், இந்தப் பணிகள் ஆனது மாவட்டத்தில் உள்ள ஆறு ஒன்றியங்களில் 208 கிராம ஊராட்சிகளிலும் செயல்படுத்தப்பட்டு நடைமுறைப்படுத்தப்பட்டு வருகிறது.

தற்போது நடைபெற்று வரும் வளா்ச்சிப் பணிகளை மாவட்ட ஆட்சியா் தெ.பாஸ்கர பாண்டியன் உத்தரவின் பேரில், மாவட்ட வருவாய் அலுவலா், மாவட்ட ஊரக வளா்ச்சி முகமை திட்ட இயக்குனா், உதவி இயக்குநா் (ஊராட்சிகள்) உள்ளிட்ட துறை அதிகாரிகள் மூலம் கண்காணிக்கப்பட்டு, உள்ளாட்சி பிரதிநிதிகளின் ஒத்துழைப்புடன் வட்டார வளா்ச்சி அலுவலா்கள் உள்ளிட்ட துறைசாா்ந்த அலுவலா்கள் பல்வேறு வளா்ச்சி திட்டப் பணிகளை மேற்கொண்டு வருகின்றனா்.

இந்த நிலையில், திருப்பத்தூா் மாவட்டக் கண்காணிப்பு அலுவலா் ஆா்.நந்தகோபால் ஜோலாா்பேட்டை ஊராட்சி ஒன்றியத்துக்குட்பட்ட கிராம ஊராட்சிகளில் ஊரக வளா்ச்சி திட்டப் பணிகளை சனிக்கிழமை ஆய்வு செய்தாா்.

இதில், பாச்சல் ஊராட்சி குறவா் காலனியில் நடைபெற்று வரும் ரூ. 11 லட்சம் மதிப்பீட்டில் கட்டப்பட்டு வரும் நியாயவிலைக் கடை கட்டடத்தை ஆய்வு மேற்கொண்டாா். இதைத் தொடா்ந்து பொன்னேரி ஊராட்சி சின்னா கவுண்டனூா் பகுதியில் உள்ள ஊராட்சி ஒன்றிய நடுநிலைப் பள்ளியின் ரூ. 10.49 லட்சம் மதிப்பிலான கட்டடப் பணி, மேலும் பொன்னேரி ஊராட்சிக்குட்பட்ட பெரிய ஏரியில் ரூ. 7.85 லட்சத்தில் நடைபெற்றுவரும் தூா்வாரும் பணிகளையும் ஆய்வு செய்தாா்.

அப்போது ஏரியின் ஆழத்தை இன்னும் கூடுதலாக அதிகப்படுத்தி தூா்வார வேண்டும், இதனால் அதிக நீா் சேமிப்பதுடன் மட்டுமல்லாமல் விவசாயிகள் விவசாயம் செய்ய கூடுதலாக தண்ணீா் கிடைக்க வழி வகுக்கும் எனத் தெரிவித்தாா்.

தொடா்ந்து பெரிய பொன்னேரி பகுதியில் ரூ. 1.40 லட்சம் மதிப்பீட்டில் அமைக்கப்பட்டுள்ள ஹரிசாண்டல் ஃபில்டா் பணியை ஆய்வு செய்தாா். தொடா்ந்து அருகில் உள்ள அங்கன்வாடி மையத்தை ஆய்வு செய்து மாணவா்களுக்கு சமைக்கப்படும் உணவுப் பொருள்கள் மற்றும் தூய்மை சுகாதாரம் போன்றவற்றை ஆய்வு செய்தாா்.

ஆய்வின்போது மாவட்ட ஆட்சியா் தெ. பாஸ்கரபாண்டியன், மாவட்ட வருவாய் அலுவலா் இ.வளா்மதி, ஊரக வளா்ச்சி முகமை திட்ட இயக்குநா் கு.செல்வராசு, உதவி இயக்குனா் (ஊராட்சிகள்) விஜயகுமாரி, வட்டார வளா்ச்சி அலுவலா்கள் மணவாளன், துரை, ஊராட்சித் தலைவா் அ. நந்தினி அருள் உள்ளிட்ட துறை அலுவலா்கள் பலா் உடன் இருந்தனா்.