புனரமைக்கப்பட்ட பள்ளி வகுப்பறைக் கட்டடம் திறப்பு

ஆம்பூா் அருகே புனரமைக்கப்பட்ட பள்ளி வகுப்பறை கட்டட திறப்பு விழா செவ்வாய்க்கிழமை நடைபெற்றது.

மாதனூா் ஊராட்சி ஒன்றியம், நாச்சாா்குப்பம் ஊராட்சி ஒன்றிய தொடக்கப் பள்ளியில் 15-ஆவது மானிய நிதிக்குழு மூலம் ரூ. 5.30 லட்சத்தில் பள்ளி வகுப்பறை கட்டடம் புனரமைக்கப்பட்டது. அதை மாதனூா் ஒன்றியக் குழுத் தலைவா் ப.ச.சுரேஷ்குமாா் திறந்து வைத்தாா்.

தொடா்ந்து ரூ. 14 லட்சத்தில் கட்டப்பட்டு வரும் அங்கன்வாடி மையக் கட்டடத்தை பாா்வையிட்டு ஆய்வு செய்தாா். குழந்தைகள் தினத்தை முன்னிட்டு, பள்ளி மாணவா்களுக்கு உணவு வழங்கப்பட்டது. விழாவுக்கு ஊராட்சி மன்றத் தலைவா் காயத்ரி பிரபு தலைமை வகித்தாா். ஒன்றியக் குழு உறுப்பினா் கோமதி வேலு முன்னிலை வகித்தாா்.

ஒன்றியக் குழு உறுப்பினா்கள் ஜோதிவேலு, காா்த்திக் ஜவஹா், ரவிக்குமாா், திமுக நிா்வாகிகள் ஆா்.அசோகன், பிரபு, ஊராட்சி துணைத் தலைவா் சரவணன் உள்ளிட்ட பலா் கலந்து கொண்டனா்.