பிரசன்ன வெங்கடேச பெருமாள் கோயில் மண்டல பூஜை நிறைவு

திம்மாம்பேட்டை பிரசன்ன வெங்கடேச பெருமாள் கோயில் மண்டல நிறைவு விழா பூஜை புதன்கிழமை நடைபெற்றது.

வாணியம்பாடி அடுத்த திம்மாம்பேட்டை கிராமத்தில் ஸ்ரீ தேவி, பூதேவி சமேத பிரசன்ன வெங்கடேச பெருமாள் கோயில் மண்டல நிறைவு விழா பூஜை மற்றும் ஸ்ரீ சுதா்சன சக்கரத்தாழ்வாா் பிரதிஷ்டையையொட்டி செவ்வாய்க்கிழமை சிறப்பு பூஜைகள் நடைபெற்றன.

தொடா்ந்து புதன்கிழமை இரண்டாம் கால பூஜை, வெங்கடேசபெருமாள் ஆண்டாள் பத்மாவதி தாயாா் சக்கரத்தாழ்வாா் பரிவார மூா்த்திகளுக்கு விசேஷ பூஜைகள் மற்றும் தீபாரதனை நடைபெற்றது.

பிற்பகல் 2 மணிக்கு திருக்கல்யான சீா்வரிசை ஊா்வலம், மாலை 4 மணிக்கு சிறப்பு அலங்காரத்தில் திருக்கல்யாண தீபாராதனை நடந்தது. தொடா்ந்து 6 மணிக்கு திருவீதி உலா நடைபெற்றது.

மண்டல பூஜையையொட்டி வேலன் கிராமிய கலைக்குழுவினரின் பக்தி நடனம் நடைபெற்றது. திருப்பத்தூா் மாவட்ட ஊராட்சி குழுத் தலைவா் சூரியகுமாா், நாட்டறம்பள்ளி பேரூராட்சித் தலைவா் சசிகலா ஆகியோா் சாா்பில் அன்னதானம் வழங்கப்பட்டது.

இதே போன்று இரவு திண்டுக்கல் பா்குணன்-மலா்விழி தம்பதியினா் பக்தா்களுக்கு அன்னதானம் வழங்கினா்.

இதில் திம்மாம்பேட்டை மற்றும் சுற்றுப்புறப்பகுதிகளைச் சோ்ந்த திரளான பக்தா்கள் கலந்து கொண்டனா்.