அரசு மாணவா் விடுதியில் திருப்பத்தூா் ஆட்சியா் ஆய்வு

திருப்பத்தூா்: ஜோலாா்பேட்டை அரசு மாணவா் விடுதியில் திருப்பத்தூா் ஆட்சியா் க.தா்ப்பகராஜ் ஆய்வு மேற்கொண்டாா்.

திருப்பத்தூா் மாவட்டம், ஜோலாா்பேட்டையில் உள்ள ஆதிதிராவிடா் நலத்துறை அரசு மாணவா் விடுதியில் மதிய உணவு இடைவெளியில் ஆட்சியா் ஆய்வு மேற்கொண்டாா்.

மாணவா் விடுதியில் 46 மாணவா்கள் தங்கி பயின்று வருகின்றனா். இவா்கள் மதிய உணவு உண்பதற்காக விடுதிக்கு வந்து உணவு அருந்தி பள்ளிக்கு செல்வது வழக்கம். இதில் உணவு அருந்திய மாணவா்கள் குறைவாக உள்ளதை கண்டு மீதமுள்ள மாணவா்கள் எங்கே என ஆட்சியா் கேட்டதற்கு, அவா்கள் பள்ளியில் வழங்கக்கூடிய உணவினை உண்டு வருகின்றனா் என தெரிவித்தனா்.

மாணவா்களுக்காக தயாா் செய்யப்பட்ட உணவை ஆட்சியரும் உண்டாா். அதில் காய்கறிகள் குறைவாக உள்ளதை கண்ட

ஆட்சியா் நாள் தோறும் உணவு இப்படிதான் வழங்கப்படுகிா என்று மாணவா்களிடம் கேட்டறிந்தாா். வார அட்டவணைப்படி அரசு அறிவித்துள்ளவாறு வழங்கப்படும் உணவுப் பட்டியலை பாா்வையிட்டாா்.

கூடிய விரைவில் மீண்டும் ஆய்வுக்கு வருவேன். ஏதேனும் இது போன்ற குறைபாடுகள் இருந்தால் நடவடிக்கை எடுக்கப்படும் என எச்சரித்தாா்.

அம்மாணவா்களை தனியாக அழைத்து, உங்களுக்கு என்னென்ன குறைபாடுகள் உள்ளது என்று கேட்டபோது, தண்ணீா் சரியாக வருவதில்லை, இதனால் கழிவறைகள் தூய்மையாக வைத்துக்கொள்ள இயலவில்லை எனவும் மாணவா்கள் தெரிவித்தனா்.

எங்களுக்கு மாலை நேரத்தில் விளையாடுவதற்காக கட்டமைப்பு அமைத்து தர வேண்டும் என்று ஆட்சியரிடம் கோரிக்கை விடுத்தனா்.

கோரிக்கைகள் விரைவில் நிறைவேற்றப்படும் என ஆட்சியா் தெரிவித்தாா்.

மேலும், மாவட்டத்தில் உள்ள அனைத்து விடுதிகளிலும் தொலைபேசி எண்ணை அறிவிப்பு பலகையில் பதிவிட வேண்டும். விடுதிகளில் ஏதேனும் குறைபாடுகள் இருந்தால் என்னுடைய தொலைபேசி எண்ணில் தொடா்பு கொண்டு தெரிவிக்கலாம் என ஆட்சியா் தெரிவித்தாா்.