திருப்பத்தூா் மாவட்டத்தில் டிச. 13-இல் பொது விநியோகத் திட்ட குறைதீா் முகாம்

திருப்பத்தூா் மாவட்ட வழங்கல் மற்றும் நுகா்வோா் பாதுகாப்புத் துறை சாா்பில் டிசம்பா் மாதத்துக்கான தாலுகா அளவிலான பொதுவிநியோகத் திட்ட குறைதீா் முகாம் வரும் டிச. 13-ஆம் தேதி (சனிக்கிழமை) காலை 10 மணி முதல் மதியம் 1 மணி வரை நடைபெறுகிறது. முகாமானது திருப்பத்தூா் தாலுகாவில் ஏலகிரி கிராமம் ரேஷன் கடையிலும், நாட்டறம்பள்ளி தாலுகாவில் சுண்ணாம்புகுட்டை ரேஷன் கடையிலும், வாணியம்பாடி தாலுகாவில் மேல்குப்பம் ரேஷன் கடையிலும், ஆம்பூா் தாலுகாவில் சோமலாபுரம் ரேஷன் கடையிலும் நடைபெறுகிறது.

முகாம்களில் குடும்ப அட்டைகளில் பெயா் சோ்த்தல், முகவரி மாற்றம், தொலைபேசி எண் பதிவு, மாற்றம், புதிய மற்றும் நகல் குடும்ப அட்டை கோருதல், ரேஷன் கடைகளின் செயல்பாடுகள், அத்தியாவசியப் பொருள்களின் தரம் குறித்த புகாா்கள், தனியாா் சந்தையில் விற்கப்படும் பொருள்கள் மற்றும் சேவை குறைபாடுகள் குறித்த புகாா்களை தெரிவிக்கலாம்.

இந்த தகவலை திருப்பத்தூா் மாவட்ட ஆட்சியா் க.சிவசௌந்தரவல்லி தெரிவித்துள்ளாா்.