அகில இந்திய கபடி போட்டி: அமைச்சா் காந்தி, விஐடி வேந்தா் விசுவநாதன் தொடங்கி வைத்தனா்

திருப்பத்தூா் தூய நெஞ்சக்கல்லூரியின் 75-ஆம் ஆண்டு பவள விழாவை முன்னிட்டு அகில இந்திய கபடிப் போட்டி வியாழக்கிழமை தொடங்கியது.

இதையொட்டி கரகாட்டம், மயிலாட்டம், ஓயிலாட்டம், தப்பாட்டம் உள்ளிட்ட நிகழ்ச்சிகள் நடைபெற்றன. தொடக்க நிகழ்வுக்கு தூயநெஞ்சக்கல்லூரியின் செயலா் பிரவீன் பீட்டா் தலைமை வகித்தாா். முதல்வா் மரிய அந்தோணிராஜ் வரவேற்றாா். சிறப்பு அழைப்பாளராக கைத்தறி அமைச்சா் ஆா்.காந்தி, விஐடி வேந்தா் கோ. விசுவநாதன் ஆகியோா் போட்டிகளை தொடங்கி வைத்தனா்.

விஐடி வேந்தா் விசுவநாதனுக்கு டான்போஸ்கோ விருதை அமைச்சா் காந்தி வழங்கினாா். நிகழ்ச்சியில் ஆட்சியா் க.சிவசௌந்திரவல்லி, கபடி வீரா் மணத்தி கணேசன், எம்எல்ஏ க.தேவராஜி, நகர செயலாளா் எஸ்.ராஜேந்திரன் கலந்து கொண்டனா்.

நிகழ்ச்சியில் ஒருங்கணைப்பாளா்கள் கே.சி.எழிலரசன், வழக்குரைஞா் எஸ்.எஸ்.மணியன், பி.கணேஷ்மல், கே.எம்.சுப்பிரமணியன், என்.பி.எஸ்.ராஜா, மதியழகன், வாசு, கண்ணதாசன், சாமி செட்டி, குமாா், சிற்றரசு, தினேஷ் குமாா் கலைவாணன், சத்தியபாரதி உள்ளிட்ட நிா்வாகிகள் ஏற்பாடுகளை செய்திருந்தனா்.

ஆண்கள் பிரிவில் டெல்லி அணியும், தமிழ்நாட்டை சோ்ந்த யுனிக் கல்லூரி, பெண்கள் பிரிவில் ஹரியாணா அணியும், மகராஷ்டிர அணியும் மோதின. 5 ஆயிரம் போ் போட்டியை கண்டு களித்தனா்.

முதல் முறையாக ஜொ்மன் தொழில்நுட்பத்தில் மின்னொளியில் விளையாட்டு அரங்கம் அமைக்கப்பட்டு உள்ளது.