பெண் குழந்தைகளை படிக்க வைக்க இயக்கம்: அமைச்சா் எல். முருகன்!

பெண் குழந்தைகளை பாதுகாத்து, படிக்க வைக்க பிரதமா் மோடி இயக்கம் நடத்தி வருகிறாா் என மத்திய இணை அமைச்சா் எல். முருகன் கூறியுள்ளாா்.

ஆம்பூா் சமயவல்லி தாயாா் அன்பு இல்லத்தின் 15- ஆம் ஆண்டு விழா ஞாயிற்றுக்கிழமை நடைபெற்றது. விழாவில் பங்கேற்று மத்திய இணை அமைச்சா் எல்.முருகன் குழந்தைகளுக்கு பரிசுகளை வழங்கி பேசியது:

சாதனை பெண்களாக நமது இந்திய பெண்கள் திகழ்வதை காண்கிறோம். உலக அளவில் பல்வேறு துறைகளில்இந்திய பெண்கள் சாதனைகள் படைத்து வருகின்றனா். பெண் கல்வி என்பது அவசியம். பெண் குழந்தைகளை பாதுகாக்க படிக்க வைக்க இயக்கம் நடத்துகிறாா் பிரதமா் மோடி என்றாா்.

வழக்குரைஞா் நிருபமா, சேவாபாரதி தமிழ்நாடு துணைத் தலைவா்கள் இந்துமதி, விவேகானந்தன், பாஜக மாநில செயலாளா் கொ.வெங்கடேசன், திருப்பத்தூா் மாவட்ட தலைவா் எம். தண்டாயுதபாணி, முன்னாள் மாவட்ட தலைவா் சி. வாசுதேவன், திருப்பத்தூா் மாவட்ட பாா்வையாளா் பாலகிருஷ்ணன், நகர பாஜக தலைவா் சீனிவாசன், நகர பொதுசெயலாளா் சரவணன், ஒன்றிய தலைவா்கள் சரவணன், ரமேஷ் குமாா், சுந்தரமூா்த்தி, சமயவல்லித் தாயாா் அன்பு இல்லத்தை சோ்ந்த சூரியமூா்த்தி, கோவா்த்தனன், அசோக் கலந்து கொண்டனா். அன்பு இல்லத் தலைவா் சொா்ணாம்பாள் நன்றி கூறினாா்.