மனித உரிமைகள் விழிப்புணா்வு நிகழ்ச்சி: ஆட்சியா், எஸ்.பி பங்கேற்பு

திருப்பத்தூா் மாவட்ட காவல் துறை சாா்பில் சமூக நல்லிணக்க மனித உரிமைகள் விழிப்புணா்வு நிகழ்ச்சி புதூா்நாடு கிராமத்தில் புதன்கிழமை நடைபெற்றது.

நிகழ்ச்சிக்கு எஸ்.பி. வி.சியாமளா தேவி, மாவட்ட வன அலுவலா் மகேந்திரன், மாவட்ட வருவாய் அலுவலா் நாராயணன் ஆகியோா் முன்னிலை வகித்தனா்.

ஆட்சியா் க.சிவசௌந்திரவல்லி தலைமை வகித்து சமூக நல்லிணக்கம் மனித உரிமைகள் குறித்து நடைபெற்ற பேச்சு, கட்டுரை, ஓவிய போட்டிகளில் வெற்றி பெற்ற மாணவ, மாணவிகளுக்கு பரிசளித்தாா்.

மேலும், மாற்றுத்திறனாளிகள் நலத்துறையின் சாா்பில், 4 மாணவ, மாணவிகளுக்கு தலா ரூ.3,500 மதிப்பிலான காதொலிக்கருவிகளை வழங்கி ஆட்சியா் பேசியது: கல்வி, வேலைவாய்ப்பு, சுகாதாரம், பொருளாதாரம் ஆகியவற்றில் சமமான வாய்ப்பு கிடைக்கவும், இனம், ஜாதி, பாலினம், மொழி அடிப்படையில் பாகுபாடு இல்லாத வாழ்க்கை வாழவும், அனைத்து தனிநபா் உரிமைகளை பாதுகாத்து அரசின் திட்டங்கள், சட்டங்கள் குறித்து விழிப்புணா்வு இல்லாதவா்கள் மத்தியில் விழிப்புணா்வு ஏற்படுத்தவும், இந்த நிகழ்ச்சி நடத்தப்படுகிறது.

இதேபோல் புதூா்நாடு மலைவாழ் மக்களின் பொருளாதாரத்தை மேலும் மேம்படுத்த சிறப்பு வேலைவாய்ப்பு முகாம், தேனி வளா்ப்பு விவசாயம், கைப்பேசி பழுது பாா்த்தல், ஓட்டுநா் பயிற்சி, நலத்திட்ட உதவிகள் வழங்க உள்ளோம். இந்த வாய்ப்பினை பயன்படுத்தி கொள்ள வேண்டும் என்றாா்.

தொடா்ந்து சுற்றுச்சூழல் குறித்து விழிப்புணா்வு ஏற்படுத்தும் வகையில் மாணவா்களின் விழிப்புணா்வு நடனம் மற்றும் தெருக்கூத்து நிகழ்ச்சி நடைபெற்றது.

நிகழ்ச்சியில் உதவி இயக்குநா் (ஊராட்சிகள்) முருகன், பழங்குடியினா் நலத் திட்ட அலுவலா் செந்தில் குமாா், தோட்டக்கலை துணை இயக்குநா் தீபா, கால்நடை பராமரிப்புத்துறை உதவி இயக்குநா் சீனிவாசன், ஆதிதிராவிடா் நல அலுவலா் கதிா்சங்கா், மாணவ, மாணவிகள் கலந்து கொண்டனா்.

வாக்காளா் பட்டியல் சிறப்பு தீவிரத் திருத்தப் பணி:

புதூா்நாடு ஊராட்சியில் வாக்காளா் பட்டியல் சிறப்பு தீவிரத் திருத்தப் பணி மேற்கொள்ள வாக்குச்சாவடி நிலை அலுவலா்கள் மூலம் வீடு, வீடாக சென்று வாக்காளா் கணக்கீட்டு படிவம் வழங்கப்படும் பணிகளை ஆட்சியா் ஆய்வு செய்தாா். வட்டாட்சியா் நவநீதன் உடனிருந்தாா். அதைத்தொடா்ந்து, புதூா்நாடு மலைவாழ் மக்கள் பெரும்பல்நோக்கு கூட்டுறவு சங்க ரேஷன் கடையை ஆட்சியா் ஆய்வு செய்தாா்.