பாஜக மாநாட்டை கண்டித்து மரத்தை வெட்டி சாலையில் கிடத்தி மலைவாழ் மக்கள் மறியல்

பாஜக மாநாட்டை கண்டித்து மரத்தை வெட்டி சாலையில்கிடத்தி மலைவாழ் மக்கள் மறியலில் ஈடுபட்டனா்.

திருப்பத்துாா் மாவட்டம், ,ஜவ்வாது மலைக்கு உள்பட்ட புதுாா் நாடு, புங்கம்பட்டு நாடு, நெல்லிவாசல் நாடு ஊராட்சிகளில் 34 மலைக் கிராமங்கள் உள்ளன. இதில் 50,000-க்கும் மேற்பட்ட மலைவாழ் மக்கள் வசிக்கின்றனா்.

இந்த நிலையில், திருப்பத்துாா் பழைய பேருந்து நிலையத்தில் ஞாயிற்றுக்கிழமை (பிப். 1) பாஜக பழங்குடியினா் அணி சாா்பில், மாநில மாநாடு நடைபெற உள்ளது.

இதில் பழங்குடியினா் இல்லாதவா்கள் மாநாடு நடத்துவதாகக் கூறி மாநாட்டைக் கண்டித்து ஜவ்வாது மலைக்கு உள்பட்ட மலைவாழ் மக்கள் வெள்ளிக்கிழமை புதூா் நாடு அருகே திருப்பத்தூா் பிரதான சாலையில் பெண்கள் உள்பட 500-க்கும் மேற்பட்டோா் கருப்பு கொடியுடன் சாலை மறியலில் ஈடுபட்டனா்.

தகவல் அறிந்த திருப்பத்தூா் வருவாய் கோட்டாட்சியா் வரதராஜன், வட்டாட்சியா் நவநீதம், கூடுதல் எஸ்பி கோவிந்தராசு, டிஎஸ்பி முரளி, கிராமிய ஆய்வாளா் ஜான் பிரிட்டோ உள்ளிட்ட போலீஸாா் அங்கு சென்று சாலை மறியலில் ஈடுபட்ட மலைவாழ் மக்களிடம் பேச்சு நடத்தினா்.

அப்போது மலைவாழ் மக்கள் தரப்பில் கூறுகையில், திருப்பத்தூரில் நடைபெற உள்ள பாஜக பழங்குடியினா் மாநாட்டை பழங்குடியின மக்கள் இல்லாதவா்கள் நடத்துகின்றனா். எங்கள் இனத்தை கொச்சைப்படுத்தும் வகையில், இந்த மாநாடு நடைபெறுகிறது. தமிழகத்தில் போலி பழங்குடியினா் எண்ணிக்கை அதிகரித்து வருகின்றனா். குறிப்பாக குரும்பா, குரும்ப கவுண்டா், குரும்பா், குருமா இனத்தவா்கள் குருமனிஸ் பழங்குடியினா் என சான்றிதழ் பெறுகின்றனா். அவா்களை மத்திய, மாநில அரசுகள் பழங்குடியினா் என அங்கீகரிக்கப்படுவதில்லை. ஆனால் ஒரு சில அரசு அதிகாரிகள் அவா்களுக்கு ஆதரவாக செயல்பட்டு போலி சான்றிதழ் வழங்குகின்றனா்.

இதுபோன்று போலி சான்றிதழ்கள் அதிகரித்து வருவதால், உண்மையான பழங்குடி இன மக்களுக்கு கிடைக்கக்கூடிய அரசு சலுகைகள் எதுவும் கிடைப்பதில்லை. மலையில் வசிக்கக்கூடிய இளைஞா்கள் அதிகம் போ் படித்து பட்டம் பெற்றுள்ளனா். படித்து முடித்தும் வேலையின்றி இதே பகுதியில் விவசாயம், கூலி வேலை செய்து வருவது கவலை அளிக்கிறது.

மேலும், திருப்பத்துாா் மாவட்டத்தில் பழங்குடியினா் என குறிப்பிட்டு தற்போது வரை ஆயிரத்துக்கும் அதிகமான போலி சான்றிதழ்கள் வழங்கப்பட்டுள்ளன. அதில் பலா் அரசு துறையில் பணியாற்றுகின்றனா்.

எனவே அதனை கண்டறிந்து போலி சான்றிதழை ரத்து செய்ய வேண்டும். அத்துடன் திருப்பத்துாரில் நடக்கவிருக்கும் பாஜக மாநாட்டில் பழங்குடியினா் என்ற பெயரை பயன்படுத்த அனுமதித்தால், வரும் சட்டப்பேரவைத் தோ்தலை திருப்பத்துாா் மாவட்டம், ஜவ்வாது மலை, ஏலகிரி மலை, நெக்னாமலையில் வசிக்கக்கூடிய அனைத்து பழங்குடியின மக்களும் ஒருமனதாக தோ்தலை புறக்கணிப்பதாக கூறினா்.

அப்போது அதிகாரிகள் இது தொடா்பாக தமிழக அரசின் கவனத்துக்கு கொண்டு சென்று நடவடிக்கை எடுக்கப்படும் என உறுதி அளித்தனா். அதன் பேரில் சாலை மறியலில் ஈடுபட்டவா்கள் அங்கிருந்து கலைந்து சென்றனா்.

திருப்பத்துாரில் இருந்து புதுாா் நாடு மலை கிராமத்துக்கு இயக்கப்படும் அனைத்து அரசு பேருந்துகளையும் மலைவாழ் மக்கள் சிறைபிடித்து சுமாா் 7 மணி நேரம் நடைபெற்ற சாலை மறியலால் அங்கு போக்குவரத்து பாதிக்கப்பட்டது.