டி.ஜே.எஸ். மெட்ரிக். பள்ளியில் கல்வி திருவிழா

கும்மிடிப்பூண்டியை அடுத்த பெருவாயல் டி.ஜே.எஸ். மெட்ரிக். பள்ளி மற்றும் டி.ஜே.எஸ். பப்ளிக் சிபிஎஸ்சி பள்ளி சார்பில் விஜயதசமியையொட்டி வெள்ளிக்கிழமை கல்வித் திருவிழா நடைபெற்றது.
டி.ஜே.எஸ். கல்விக் குழுமத் தலைவர் டி.ஜே.கோவிந்தராஜன் தலைமை வகித்து, நிகழ்ச்சியைத் தொடங்கி வைத்தார். தொடர்ந்து விஜயதசமியை ஒட்டி, பள்ளியில் சேர்ந்த அனைத்து மாணவர்களுக்கும் புத்தகப் பை உள்ளிட்ட பரிசுகளை வழங்கினார். 
நிகழ்ச்சியில், பள்ளித் தாளாளர்கள் பழனி, தமிழரசன், பள்ளி முதல்வர்கள் ஞானபிரகாசம், சுஜாதா தாஸ் ஆகியோர் முன்னிலை வகித்தனர். நிர்வாக அதிகாரி ஏழுமலை வரவேற்றார். பள்ளியின் தலைமை ஆசிரியர் கோபாலகிருஷ்ணன் நன்றி கூறினார்.