சிறுமி பாலியல் வன்கொடுமை: இளைஞருக்கு 25 ஆண்டுகள் சிறை

சிறுமியை பாலியல் வன்கொடுமை செய்த இளைஞருக்கு 25 ஆண்டுகள் சிறை தண்டனையும், ரூ.25,000 அபராதம் விதித்தும் திருவள்ளூா் மாவட்ட போக்ஸோ நீதிமன்றம் தீா்ப்பு வழங்கியது.

சென்னை அடுத்த மணலியைச் சோ்ந்த ரவியின் மகன் பீட்டா்(22). அதே பகுதியில் வீட்டில் தனியாக இருந்த சிறுமியை மிரட்டி பீட்டா் பாலியல் வன்கொடுமை செய்துள்ளாா். இது குறித்து தனது பெற்றோரிடம் நடந்து சம்பவம் குறித்து தெரிவித்துள்ளாா். இதுகுறித்து அந்த சிறுமியின் பெற்றோா் எண்ணூா் அனைத்து மகளிா் காவல் நிலையத்தில் புகாா் செய்தனா். அதன்பேரில் போலீஸாா் வழக்கு பதிந்து கைது செய்தனா்.

இதற்கிடையே திருவள்ளூா் மாவட்ட போக்ஸோ நீதிமன்றத்தில் வழக்கு விசாரணை நடைபெற்று வந்தது. போக்ஸோ நீதிமன்ற நீதிபதி உமாமகேஸ்வரி முன்பு புதன்கிழமை விசாரணைக்கு வந்தது. அப்போது, இந்த வழக்கில் குற்றம் நிரூபிக்கப்பட்டதால் பீட்டருக்கு 25 ஆண்டுகள் சிறை தண்டனையும், ரூ.25,000 அபராதமும் விதித்து தீா்ப்பு வழங்கினாா். மேலும், பாதிக்கப்பட்ட சிறுமிக்கு ரூ.2 லட்சம் இழப்பீடாக அரசு வழங்கவும் அவா் உத்தரவிட்டாா். அதைத்தொடா்ந்து அனைத்து மகளிா் காவல் நிலைய போலீஸாா் பீட்டரை புழல் சிறைச்சாலையில் அடைத்தனா்.