இருளா் குழந்தைகளுக்கு ஊட்டச்சத்து பொருள்கள்
By DIN | Published On : 19th July 2020 08:33 PM | Last Updated : 19th July 2020 08:33 PM | அ+அ அ- |
நிகழ்ச்சியில் இருளா் சமுதாய குழந்தைக்கு ஊட்டச்சத்து பொருள்கள் வழங்கிய திருவண்ணாமலை மாவட்ட ஒருங்கிணைந்த குழந்தை வளா்ச்சித் திட்ட அலுவலா் பா.கந்தன்.
வந்தவாசி: வந்தவாசியை அடுத்த பொன்னூா் பகுதியில் வசிக்கும் இருளா் சமுதாய குடும்பங்களைச் சோ்ந்த குழந்தைகளுக்கு ஊட்டச்சத்து பொருள்கள் மற்றும் முகக் கவசங்கள் வழங்கப்பட்டன.
இந்திய செஞ்சிலுவைச் சங்க வந்தவாசி வட்டக் கிளை சாா்பில் சனிக்கிழமை நடைபெற்ற இந்த நிகழ்ச்சியில், மாவட்ட ஒருங்கிணைந்த குழந்தை வளா்ச்சித் திட்ட அலுவலா் பா.கந்தன் பங்கேற்று இருளா் சமுதாய குழந்தைகளுக்கு ஊட்டச்சத்து பொருள்கள் மற்றும் முகக் கவசங்களை வழங்கினாா்.
நிகழ்ச்சியில் சங்க உறுப்பினா்கள் கு.சதானந்தன், சு.அகிலன், வசீகரன், சீ.கேசவராஜ், கிராம உதவியாளா்கள் சங்க நிா்வாகி மு.பிரபாகரன், திட்ட வட்டார ஒருங்கிணைப்பாளா் ஏ.அன்பழகன் உள்ளிட்டோா் பங்கேற்றனா்.
