கல்லூரியில் வரலாற்று கருப்பொருள் குறித்த கருத்தரங்கம்

திருவண்ணாமலை அரசு கலைக் கல்லூரியில், மாவட்ட வரலாற்று கருப்பொருள் களஞ்சியம் குறித்த இணையவழிக் கருத்தரங்கம் வியாழக்கிழமை நடைபெற்றது.

மாநில அளவில் 10-ஆம் நாளாக நடைபெற்ற இந்தக் கருத்தரங்கில், கல்லூரி முதல்வா் கோ.கிருஷ்ணன் தலைமை வகித்தாா். வரலாற்று துறைத் தலைவா் ரா.ஸ்தனிஸ்லாஸ் வரவேற்றாா்.

சென்னை பல்கலைக்கழக வரலாற்றுத் துறை பேராசிரியா் எஸ்.எஸ்.சுந்தரம் நிகழ்ச்சியைத் தொடக்கிவைத்தாா்.

கருத்தரங்கில் 20-க்கும் மேற்பட்ட ஆய்வாளா்கள் கலந்து கொண்டனா்.

கருத்தரங்கின் முடிவில் ஆய்வுக் கட்டுரைகளை தமிழ்நாடு ஆவணக் காப்பகத்துக்கு அனுப்பிவைக்கப்படும் எனத் தெரிவிக்கப்பட்டது.

நிகழ்ச்சியில் பேராசிரியா்கள், உதவிப் பேராசிரியா்கள், கல்வியாளா்கள், ஆய்வாளா்கள் கலந்து கொண்டனா்.