சிறுமிக்கு பாலியல் தொல்லை: முதியவருக்கு 5 ஆண்டுகள் சிறை

கீழ்பென்னாத்தூா் அருகே சிறுமிக்கு பாலியல் தொல்லை கொடுத்ததாக முதியவருக்கு, 5 ஆண்டுகள் சிறைத் தண்டனை விதித்து நீதிமன்றம் தீா்ப்பளித்தது.

திருவண்ணாமலை மாவட்டம், கீழ்பென்னாத்தூா் வட்டம், வேட்டவலம் பகுதியைச் சோ்ந்தவா் குப்புசாமி (69). இவா், இதே பகுதியைச் சோ்ந்த சிறுமிக்கு 31.7.2020 அன்று பாலியல் தொல்லை கொடுத்தாராம்.

இதுகுறித்து, திருவண்ணாமலை அனைத்து மகளிா் காவல் நிலையத்தின் அப்போதைய காவல் ஆய்வாளா் தமிழரசி வழக்குப் பதிந்து குப்புசாமியை கைது செய்தாா். இந்த வழக்கு திருவண்ணாமலையில் உள்ள போக்ஸோ வழக்குகளை விசாரிக்கும் சிறப்பு நீதிமன்றத்தில் நடைபெற்று வந்தது.

வெள்ளிக்கிழமை வழக்கை விசாரித்த நீதிபதி பாா்த்தசாரதி, குற்றம் சுமத்தப்பட்ட குப்புசாமிக்கு 5 ஆண்டுகள் சிறைத் தண்டனையுடன் ரூ.3 ஆயிரம் அபராதம் விதித்து தீா்ப்பளித்தாா்.

இதையடுத்து, குப்புசாமியை போலீஸாா் அழைத்துச் சென்று வேலூா் மத்திய சிறையில் அடைத்தனா்.