பூட்டிய வீடுகளில் நகை திருடியவா் கைது 13 பவுன் மீட்பு

போளூா்: திருவண்ணாமலை மாவட்டம், போளூரை அடுத்த பெருமாள்பேட்டையில் 2 வீடுகளில் 13 பவுன் தங்க நகைகளைத் திருடியவரை சந்தவாசல் போலீஸாா் செவ்வாய்க்கிழமை கைது செய்தனா்.

திருப்பத்தூா் மாவட்டம், வாணியம்பாடி வட்டம், உதயேந்திரம் கிராமம் எருதுகார சவுரி சந்தில் வசிப்பவா் ராஜேந்திரன் மகன் காட்வின் மோசஸ் (26). இவா் காளை மாடுகளை வளா்த்து வருகிறாா்.

திருவண்ணாமலை மாவட்டம், சந்தவாசல் காவல் நிலைய எல்லைக்குள்பட்ட படவேடு ஊராட்சி பெருமாள்பேட்டை கிராமத்தி ஏப்.29-ஆம் தேதி காளைவிடும் விழா நடைபெற்றது. இதில் பங்கேற்ற தான் வளா்க்கும் காளைகளுடன் வேனில் காட்வின் மோசஸ் வந்தாா்.

விழாவுக்குப் பிறகு, காளைகளை தனது கிராமத்துக்கு வேனில் அனுப்பிவிட்டு, விக்னேஷ் என்பரின் பைக் வாங்கிக் கொண்டு காட்வின் மோசஸ் புறப்பட்டாா்.

படவேடை அடுத்த வேட்டகிரிபாளையம் கிராமத்தில் கோட்டமலை சாலையில் வந்த போது, அந்தப் பகுதியில் வசிக்கும் ஜெயந்தி, அா்ச்சுனன் ஆகியோரின் வீடுகள் பூட்டிஇருந்ததைப் பாா்த்த காட்வின் மோசஸ் அந்த வீடுகளின் பின்புறக் கதவை உடைத்து, வீட்டுக்குள் புகுந்தாராம். ஜெயந்தி வீட்டில் 10 பவுன் நகைகளும், அா்ச்சுனன் வீட்டில் 3 பவுன் நகைகளையும் திருடி விட்டு தப்பினாா்.

இந்த நிலையில், சந்தவாசல்-ஆரணி சாலையில் பைக்கில் செவ்வாய்க்கிழமை சென்ற காட்வின் மோசஸை வாகனத் தணிக்கையில் ஈடுபட்டிருந்த சந்தவாசல் போலீஸாா் நிறுத்தி விசாரித்தனா். அவா் முன்னுக்குப்பின் தகவல் தெரிவித்ததையடுத்து, அவரை காவல் நிலையத்துக்கு அழைத்து சென்று விசாரணை நடத்தினா். இதில், வேட்டகிரிபாளையமத்தில் ஜெயந்தி, அா்ச்சுனன் ஆகியோரின் வீட்டில் தங்க நகைகளைத் திருடியது தெரிய வந்தது.

அவரிடமிருந்து 13 பவுன் தங்க நகைகள், பைக்கை போலீஸாா் பறிமுதல் செய்தனா். மேலும், காட்வின் மோசஸ் கைது செய்யப்பட்டாா்.