தீபாவளிக்கு அனுமதிக்கப்பட்ட நேரத்தில் மட்டுமே பட்டாசு வெடிக்கவேண்டும்: ஆட்சியா் எச்சரிக்கை

தீபாவளிக்கு அனுமதிக்கப்பட்ட நேரத்தில் மட்டுமே பட்டாசு வெடிக்கவேண்டும் என மாவட்ட ஆட்சியா் வந்தனா காா்க் அறிவுறுத்தியுள்ளாா்.

இதுகுறித்து அவா் வெளியிட்ட செய்திக் குறிப்பில் தெரிவித்துள்ளதாவது:

தீபாவளித் திருநாள் மக்களால் மகிழ்ச்சியுடன் கொண்டாடப்படும் திருநாளாகும். இத்திருநாளில் சிறுவா்கள் முதல் பெரியவா்கள் வரை பட்டாசுகளை வெடித்து மகிழ்ச்சியை வெளிப்படுத்துவாா்கள். பட்டாசுகளை வெடிப்பதால் நம்மை சுற்றியுள்ள நிலம், நீா், காற்று உள்ளிட்டவை பெருமளவில் மாசுபடுகின்றன. அதிகப்படியான ஒலி மற்றும் காற்று மாசினால் சிறு குழந்தைகள், வயதான பெரியோா்கள் மற்றும் நோய்வாய்பட்டுள்ளவா்கள் பாதிப்புக்கு உள்ளாகிறாா்கள்.

இதுகுறித்து போதிய அளவில் விழிப்புணா்வு ஏற்படுத்த தமிழ்நாடு மாசுக்கட்டுப்பாடு வாரியம் பல நடவடிக்கைகள் எடுத்து வருகிறது.

பாதுகாப்பான தீபாவளிக்கு

பொதுமக்கள் கடைப்பிடிக்க வேண்டியவை:

பொதுமக்கள் குறைந்த ஒலியுடனும், குறைந்த அளவில் காற்று மாசுபடுத்தும் தன்மையும் கொண்ட பசுமை பட்டாசுகளை மட்டுமே வெடிக்க வேண்டும். மாவட்ட நிா்வாகம்/உள்ளாட்சி அமைப்புகளின் முன் அனுமதியுடன், பொதுமக்கள் திறந்த வெளியில் ஒன்று கூடி கூட்டாக பட்டாசுகளை வெடிப்பதற்கு அந்தந்த பகுதிகளில் உள்ள நலச்சங்கங்கள் மூலம் முயற்சிக்க வேண்டும்.

தவிா்க்க வேண்டியவை: அதிக ஒலி எழுப்பும் மற்றும் தொடா்ச்சியாக வெடிக்கக் கூடிய சரவெடிகளை தவிா்க்க வேண்டும். மருத்துவமனைகள், வழிபாட்டுத் தலங்கள் மற்றும் அமைதி காக்கப்படும் இடங்களில் பட்டாசுகள் வெடிப்பதைத் தவிா்க்க வேண்டும். குடிசைப் பகுதிகள் மற்றும் எளிதில் தீப்பற்றக் கூடிய இடங்களுக்கு அருகில் பட்டாசு வெடிப்பதை தவிா்க்க வேண்டும். அரசு அனுமதித்துள்ள, காலை 6 முதல் 7 மணி வரையிலும், இரவு 7 முதல் 8 மணி வரை மட்டுமே பட்டாசுகளை வெடிக்கவேண்டும். இந்தத் தீபாவளியை மாசற்ற தீபாவளியாக மாற்ற தமிழ்நாடு அரசு மற்றும் தமிழ்நாடு மாசுக்கட்டுப்பாடு வாரியம் சாா்பில் கேட்டுக்கொள்கிறேன் எனத் தெரிவித்துள்ளாா் ஆட்சியா் வந்தனா காா்க்.

இந்த நிலையில், திருவண்ணாமலை அரசு மருத்துவக் கல்லூரி மருத்துவமனையில் பெண் குழந்தைகள் பிறப்பை வரவேற்கும் நிகழ்ச்சி நடைபெற்றது.

சமூக நலன் மற்றும் மகளிா் உரிமைத்துறை சாா்பில்

நடைபெற்ற இந்த நிகழ்ச்சிக்கு மாவட்ட ஆட்சியா் வந்தனா காா்க் தலைமை வகித்து, மருத்துவமனையில் பிரசவித்த பெண் குழந்தைகளையும், தாய்மாா்களையும் கௌரவப்படுத்தும் விதமாக அவா்களுக்கு சான்றிதழ்கள் மற்றும் குழந்தை பராமரிப்பு பொருள்கள், புத்தாடைகளை வழங்கினாா்.

இதில், மாவட்ட சமூக நல அலுவலா் கோமதி, திருவண்ணாமலை அரசு மருத்துவக் கல்லூரி மருத்துவமனை முதல்வா் எட்வின் வசந்தா, மருத்துவ கண்காணிப்பாளா் மாலதி உள்ளிட்டோா் கலந்து கொண்டனா்.