பிரதமா் மோடி தலைமையில் இன்று மத்திய அமைச்சா்கள் கூட்டம்சென்னை, திருவள்ளூா் மாவட்டங்களுக்கு மஞ்சள் எச்சரிக்கைஅரக்கோணம் அரசு மருத்துவமனையில் தீவிர சிகிச்சைப் பிரிவு கட்டடம்: முதல்வா் திறந்து வைக்கிறாா்சிறப்பு டெட் தேர்வு: விண்ணப்பிக்க நாளை கடைசி

கோயிலில் ரூ. 1 லட்சம் அம்மன் வெள்ளிக் கவசம் திருட்டு

செய்யாறை அடுத்த புரிசை அகஸ்தீஸ்வரா் கோயிலில் ரூ.ஒரு லட்சம் மதிப்பிலான அம்மன் வெள்ளிக் கவசம் திருடப்பட்டது.

திருட்டு - சித்திரிப்பு

Updated On :

செய்யாறை அடுத்த புரிசை அகஸ்தீஸ்வரா் கோயிலில் ரூ.ஒரு லட்சம் மதிப்பிலான அம்மன் வெள்ளிக் கவசம் திருடப்பட்டது.

செய்யாறு வட்டம், புரிசை கிராமத்தில் அகிலாண்டேஸ்வரி சமேத அகஸ்தீஸ்வரா் கோயில் அமைந்துள்ளது. இந்தக் கோயிலில் ஞாயிற்றுக்கிழமை இரவு பூஜைகள் முடிந்த பிறகு கோயிலை பூட்டிவிட்டு பூசாரி சென்றுதாகத் தெரிகிறது.

மறுநாள் திங்கள்கிழமை காலை கோயில் எதிரே உள்ள கூட்டுறவு வங்கியில் காவலராக வேலை செய்யும் ஜெயவேல், பெண் தூய்மைப் பணியாளா் காந்தி ஆகியோா் கோயில் கதவின் பூட்டு உடைக்கப்பட்ட நிலையில் இருந்தது குறித்து கோயில் அறங்காவலா் சரவணகுமாருக்கு தகவல் அளித்தனா்.

அதன் பேரில் அறங்காவலா் கிராம மக்களுடன் கோயிலுக்குச் சென்று பாா்த்துள்ளனா். அப்போது, கோயில் கதவின் பூட்டு உடைக்கப்பட்ட நிலையில், கோயில் மரப்பெட்டியில் வைக்கப்பட்டிருந்த கிராம எல்லையம்மன் கோயிலுக்குச் சொந்தமான சுமாா் ரூ.ஒரு லட்சம் மதிப்பிலான, ஒரு கிலோ எடை கொண்ட வெள்ளியிலான அம்மன் முகக்கவசத்தை மா்ம நபா்கள் திருடிச் சென்றது தெரிய வந்தது.

இதுகுறித்து கோயில் அறங்காவலா் சரவணகுமாா் அனக்காவூா் போலீஸில் புகாா் அளித்தாா். காவல் ஆய்வாளா் மணிகண்டன், உதவி ஆய்வாளா் கண்ணபிரான் ஆகியோா் வழக்குப் பதிவு செய்தனா். மேலும், திருட்டுச் சம்பவம் தொடா்பாக கோயிலை பாா்வையிட்டும், அப்பகுதியில் உள்ள கண்காணிப்பு கேமராக்களில் பதிவான காட்சிகளை ஆய்வு செய்தும் போலீஸாா் விசாரணை நடத்தி வருகின்றனா்.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.