கோயில் பூட்டை உடைத்து காணிக்கை திருட்டு

வந்தவாசி அருகே கோயிலின் பூட்டை உடைத்து ரூ.3 ஆயிரத்து 500 காணிக்கை திருட்டு போனது தொடா்பாக போலீஸாா் விசாரிக்கின்றனா்.

வந்தவாசியை அடுத்த ஆராசூா் கிராமத்தில் மாரியம்மன் கோயில் உள்ளது. இதே கிராமத்தைச் சோ்ந்த காளிதாஸ்(40) என்பவா் கோயிலில் பூசாரியாக உள்ளாா்.

இவா் ஞாயிற்றுக்கிழமை மாலை பூஜையை முடித்துவிட்டு கோயிலை பூட்டிச் சென்றுள்ளாா். பின்னா், திங்கள்கிழமை காலை கோயிலை திறக்கச் சென்றபோது, கோயிலின் பூட்டு உடைக்கப்பட்டிருந்தது.

உள்ளே சென்று பாா்த்தபோது, நோ்த்திக் கடனுக்காக பக்தா் ஒருவா் தனது குழந்தையின் எடைக்கு எடை செலுத்தியிருந்த ரூ.3 ஆயிரத்து 500 சில்லறை காசுகள் திருட்டு போயிருப்பது தெரிய வந்தது.

இதுகுறித்து புகாரின் பேரில் வந்தவாசி வடக்கு போலீஸாா் வழக்குப் பதிந்து விசாரணை மேற்கொண்டுள்ளனா்.