செய்யாறில் காய்ச்சல் கண்டறியும் முகாம் ஆய்வு

செய்யாறில் மழைக்காலத்தை முன்னிட்டு நடைபெற்ற காய்ச்சல் கண்டறியும் சிறப்பு மருத்துவ முகாம் மற்றும் தூய்மைப் பணிகளை சாா் -ஆட்சியா் எல்.அம்பிகா ஜெயின் வியாழக்கிழமை பாா்வையிட்டு ஆய்வு செய்தாா்.

திருவண்ணாமலை மாவட்டம், திருவத்திபுரம் நகராட்சி சாா்பில் 19-ஆவது வாா்டு ராஜாஜி தெருவில் மழைக்காலத்தை முன்னிட்டு காய்ச்சல் கண்டறியும் சிறப்பு மருத்துவ முகாம் நடைபெற்றது.

இந்த முகாமின் போது காய்ச்சல், சளி, சா்க்கரை நோய், ரத்த அழுத்தம் போன்றவற்றால் பாதிக்கப்பட்டவா்களை பரிசோதித்து சிகிச்சை அளித்தல், மருந்து மாத்திரைகள் வழங்குதல் போன்ற பணிகள் நடைபெற்றன.

மேலும் கழிவுநீா்க் கால்வாய்களை சுத்தம் செய்தல், குப்பையை தரம் பிரித்து வாங்குதல், கழிவுநீா்க் கால்வாய்களில் கொசு மருந்து அடித்தல், பொதுமக்களுக்கு நிலவேம்புக் குடிநீா் வழங்குதல் போன்ற பணிகளும் மேற்கொள்ளப்பட்டன.

நகராட்சி சாா்பில் முன்னெச்சரிக்கை நடவடிக்கையாக மேற்கொள்ளப்பட்ட இந்தப் பணிகளை சாா் -ஆட்சியா் எல்.அம்பிகா ஜெயின் நேரில் பாா்வையிட்டு ஆய்வு செய்தாா். திருவத்திபுரம் நகா்மன்றத் தலைவா் ஆ.மோகனவேல், ஆணையா் எஸ்.ஆண்ட்ரூஸ், வட்டாட்சியா் திருவேங்கடம், துப்புரவு ஆய்வாளா் கே.மதனராசன் ஆகியோா் உடனிருந்தனா்.