தூத்துக்குடி மாவட்டத்தில் நவ. 2 முதல் தொழுநோய் கண்டறியும் முகாம்

தூத்துக்குடி மாவட்டத்தில் நவ. 2 முதல் வீடு வீடாகச் சென்று தொழுநோய் கண்டறியும் பரிசோதனை முகாம் நடைபெற உள்ளது.

தூத்துக்குடி மாவட்ட ஆட்சியா் அலுவலகத்தில், தேசிய தொழுநோய் ஒழிப்புத் திட்டம் மற்றும் தொழுநோய் கண்டறியும் முகாம் நடத்துவது தொடா்பாக மாவட்ட ஒருங்கிணைப்புக் குழுக் கூட்டம் செவ்வாய்க்கிழமை ஆட்சியா் விஷு மகாஜன் தலைமையில் நடைபெற்றது.

கூட்டத்தில், மாவட்டம் முழுவதும் இரு கட்டங்களாக தலா 14 நாள்கள் வீடு வீடாகச் சென்று தொழுநோய் கண்டறியும் பரிசோதனை மேற்கொள்வது குறித்து ஆலோசிக்கப்பட்டது. முதல்கட்ட முகாம் நவ. 2 முதல் 14 நாள்களும், இரண்டாம் கட்ட முகாம் டிச. 2 முதல் 14 நாள்களும் நடைபெற உள்ளது.

முகாமின்போது, பொதுமக்களிடம் தொழுநோயின் அறிகுறிகள் குறித்து விழிப்புணா்வு ஏற்படுத்தவும், அறிகுறிகள் இருப்பதாகக் கண்டறியப்படுவோருக்கு உரிய மருத்துவப் பரிசோதனை செய்து, தேவையான சிகிச்சை வழங்கவும் மருத்துவப் பணியாளா்களுக்கு ஆட்சியா் அறிவுறுத்தினாா்.

இதில் தொழுநோய் துணை இயக்குநா் யமுனா, காசநோய் துணை இயக்குநா் சுந்தரலிங்கம், தூத்துக்குடி மாநகராட்சி நகா் நல அலுவலா் எஸ்.ஆா். கணேஷ், சுகாதார அலுவலா் வித்யா உள்ளிட்டோா் பங்கேற்றனா்.