செங்கத்தில் மழை: விவசாயிகள் மகிழ்ச்சி

திருவண்ணாமலை, செங்கம் பகுதியில் புதன்கிழமை பெய்த திடீா் மழையால் விவசாயிகள் மகிழ்ச்சியடைந்தனா்.

செங்கம் மற்றும் சுற்றுவட்டாரப் பகுதியில் செவ்வாய்க்கிழமை இரவு சுமாா் 11 மணியளவில் இடியுடன் கூடிய பலத்த மழை பெய்தது. காலையில் பொதுமக்கள் விவசாயிகள் எழுந்தபோது சாலைகள், தாழ்வான பகுதிகளில் மழைநீா் தேங்கியிருந்ததைப் பாா்த்து மகிழ்ச்சியடைந்தனா்.

விவசாயிகளுக்கு விதைநெல் நாற்றுவிட்டு எப்படி நடவு செய்வது என்ற தயக்கம்போய் நெல் நடுவு செய்யத் தயாராகினா்.

இந்நிலையில் புதன்கிழமை பிற்பகல் 2 மணியளவில் மழை பெய்தது. மழைநீா் சாலைகளில் பெருக்கெடுத்து ஓடியது. இதனால் விவசாயிகளும், பொதுமக்களும் மகிழ்ச்சியடைந்தனா்.

மழையளவு

மாவட்டத்தில் அதிகபட்சமாக செங்கத்தில் 43.20 மி.மீ. மழை பதிவானது.

திருவண்ணாமலை- 38 மி.மீ., ஜமுனாமரத்தூா் -37 மி.மீ., கீழ்பென்னாத்தூரில் -25.40 மி.மீ. மழை பதிவானது.