சமத்துவ மக்கள் கட்சியினர் ஆர்ப்பாட்டம், சாலை மறியல்

காவிரி மேலாண்மை வாரியம் அமைக்கக் கோரி, அகில இந்திய சமத்துவ மக்கள் கட்சி சார்பில், ஆம்பூரில் ஆர்ப்பாட்டம் மற்றும் சாலை மறியல் போராட்டம் திங்கள்கிழமை நடைபெற்றது. 
காவிரி மேலாண்மை வாரியம் அமைக்கக் கோரியும், ஸ்டெர்லைட் தொழிற்சாலை, நியூட்ரினோ, ஹைட்ரோ கார்பன், மீத்தேன் திட்டங்கள் ஆகியவற்றுக்கு எதிர்ப்புத் தெரிவித்தும், அகில இந்திய சமத்துவ மக்கள் கட்சி சார்பில் ஆம்பூர் புறவழிச் சாலையில் கண்டன ஆர்ப்பாட்டம் நடைபெற்றது. வேலூர் மேற்கு மாவட்டச் செயலாளர் எம்.ஞானதாஸ் தலைமை வகித்தார்.  
ஆர்ப்பாட்டத்தில் கலந்து கொண்டவர்கள் திடீரென புறவழிச்சாலையில் மறியல் போராட்டத்தில் ஈடுபட்டனர். 
அவர்களை போலீஸார் அப்புறப்படுத்த முயன்றனர். அப்போது போலீஸாருக்கும், சமத்துவ மக்கள் கட்சியினருக்கும் வாக்குவாதம் ஏற்பட்டது.  அதைத் தொடர்ந்து மறியலில் ஈடுபட்ட 25 பேரை போலீஸார் கைது செய்தனர்.