ரத்தினகிரி விஜய துர்கையம்மனுக்கு 1,008 கலச பூஜை

ரத்தினகிரி பாலமுருகன் கோயில் மலையடிவாரத்தில் உள்ள  விஜய துர்கையம்மனுக்கு ஞாயிற்றுக்கிழமை 1,008 கலச பூஜை நடைபெற்றது.
Updated on
1 min read

ரத்தினகிரி பாலமுருகன் கோயில் மலையடிவாரத்தில் உள்ள  விஜய துர்கையம்மனுக்கு ஞாயிற்றுக்கிழமை 1,008 கலச பூஜை நடைபெற்றது.
 நிகழ்ச்சிக்கு, பெங்களூரு  வித்யா பீட ஆகமபாட சாலை முதல்வர்  எ.எஸ்.சுந்தரமூர்த்தி சிவாச்சாரியார் தலைமை வகித்தார். பால
முருகனடிமை சுவாமி முன்னிலை வகித்தார்.
 இதில் முருகப்பெருமானுக்கு ஸ்கந்த யாகம், விஜய துர்கையம்மனுக்கு மகா சண்டியாகம் நடைபெற்றது. யாக பூஜையை முன்னிட்டு, அம்மனுக்கு சிறப்பு அபிஷக, ஆராதனைகள் நடைபெற்றன. தொடர்ந்து  அலங்கரிக்கப்பட்ட உற்சவர் ஊர்வலமாகக் கொண்டு வரப்பட்டு, யாக சாலை பந்தலில் வைக்கப்பட்டார். இதில் 1008 கலச பூஜைகள், யாகம் நடைபெற்றது.
 நிகழ்ச்சியில் கலவை சச்சிதானந்த சுவாமிகள், திருவலம் ஸாந்தா சுவாமி, தன்வந்திரிபீடம்  முரளிதர சுவாமி மற்றும் திரளான பக்தர்கள் கலந்து கொண்டனர்.

தினமணி செய்திமடலைப் பெற... Newsletter

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.

Related Stories

No stories found.
X
Dinamani
www.dinamani.com