இன்று மாற்றுத் திறனாளிகளுக்கான சிறப்பு குறைதீர் கூட்டம்

ராணிப்பேட்டை வருவாய் கோட்டாட்சியர் அலுவலகத்தில் மாற்றுத் திறனாளிகளுக்கான சிறப்பு குறைதீர் கூட்டம் வியாழக்கிழமை நடைபெற உள்ளது. 
இதுகுறித்து கோட்டாட்சியர் அலுவலகம் சார்பில் வெளியிடப்பட்ட செய்திக் குறிப்பு: 
ராணிப்பேட்டை வருவாய் கோட்டத்துக்கு உள்பட்ட ஆற்காடு, வாலாஜாபேட்டை, நெமிலி, அரக்கோணம் ஆகிய வட்டங்களில் உள்ள அனைத்து வகை மாற்றுத் திறனாளிகளுக்கான குறைதீர் கூட்டம் ஒவ்வொரு மாதமும் முதல் வாரத்தில் வியாழக்கிழமை காலை  11 மணி முதல் மதியம் 1 மணி வரை கோட்டாட்சியர்  அலுவலகத்தில் நடைபெற்று வருகிறது. 
அதன்படி, இந்த மாதத்துக்கான குறைதீர் கூட்டம் வியாழக்கிழமை நடைபெற உள்ளது. இதில், வருவாய் கோட்டத்துக்கு உள்பட்ட அனைத்து வகை மாற்றுத் திறனாளிகள் நேரில் வந்து தங்கள் கோரிக்கை மனுக்களுடன் ஆதார் அட்டை, அடையாள அட்டை ஆகியவற்றி நகல்களை இணைத்து அளித்து 
பயன்பெறலாம்.