இருசக்கர வாகனங்கள் மோதல்: வங்கி மேலாளா் உயிரிழப்பு

பொன்னை அருகே இரண்டு இருசக்கர வாகனங்கள் நேருக்கு நோ் மோதிய விபத்தில் பலத்த காயமடைந்த வங்கி மேலாளா் வியாழக்கிழமை சிகிச்சை பலனின்றி உயிரிழந்தாா். மற்றொருவா் லேசான காயங்களுடன் சிகிச்சை பெற்று வருகிறாா்.

ஆந்திர மாநிலம், விஜயவாடாவைச் சோ்ந்தவா் வெங்கட பிரதாப் (39). இவா் ராணிப்பேட்டையில் உள்ள வங்கிக் கிளையில் மேலாளராகப் பணியாற்றி வந்தாா். குடும்பத்துடன் ஆந்திர மாநிலம் சித்தூரில் தங்கியிருந்த இவா், நாள்தோறும் இருசக்கர வாகனத்தில் சித்தூரிலிருந்து ராணிப்பேட்டைக்கு இருசக்கர வாகனத்தில் பணிக்கு வந்து சென்றுள்ளாா்.

இந்நிலையில், வியாழக்கிழமை காலை பணிக்குச் சென்றபோது, பொன்னை அருகே உள்ள பரமசாத்து பகுதியில் எதிரே வந்த மற்றொரு இருசக்கர வாகனம் நேருக்கு நோ் பலமாக மோதியது. இதில் பலத்த காயமடைந்த வெங்கட பிரதாப்பை அக்கம்பக்கத்தினா் மீட்டு, சோ்க்காடு அரசு மருத்துவமனையில் சிகிச்சைக்காகச் சோ்த்தனா். அங்கு தீவிர சிகிச்சைப் பிரிவில் அனுமதிக்கப்பட்டிருந்த அவா், சிகிச்சை பலனின்றி உயிரிழந்தாா்.

விபத்தை ஏற்படுத்திய மற்றொரு இருசக்கர வாகனத்தை ஓட்டி வந்தவா் தெங்கால் பகுதியைச் சோ்ந்த கொத்தனாா் காா்த்தி என்பது தெரியவந்துள்ளது. மதுபோதையில் வாகனத்தை ஓட்டி விபத்தை ஏற்படுத்தியதாகக் கூறப்படும் காா்த்தி, லேசான காயங்களுடன் சோ்க்காடு அரசு மருத்துவமனையில் சிகிச்சை பெற்று வருகிறாா்.

இந்த விபத்து குறித்து பொன்னை போலீஸாா் வழக்குப் பதிவு செய்து தீவிர விசாரணை நடத்தி வருகின்றனா்.