காரமடையில் மாநில அளவிலான சைக்கிள் போட்டி

மாநில அளவிலான சைக்கிள் போட்டி காரமடையில் சனிக்கிழமை நடைபெற்றது.
 தமிழக பள்ளிக் கல்வித் துறை, காரமடை எஸ்ஆர்எஸ்ஐ மெட்ரிக். மேல்நிலைப் பள்ளி ஆகியன சார்பில் மாநில அளவிலான  சைக்கிள் போட்டி காரமடை, பெரியபுத்தூர் கிராமத்தில் நடைபெற்றது. 
இப்போட்டியை எஸ்ஆர்எஸ்ஐ  பள்ளித் தாளாளர் ராமகிருஷ்ணன் தொடக்கிவைத்தார். இப்போட்டியில் தமிழகத்தில் உள்ள32  மாவட்டங்களில் இருந்து அரசு மற்றும் தனியார் பள்ளிகளைச் சேர்ந்த 100க்கும் மேற்பட்ட மாணவ, மாணவிகள் பங்கேற்றனர்.  இதில், 14 வயதுக்கு உள்பட்ட பிரிவினருக்கான போட்டியில் மாணவர்களுக்கு 10 கி.மீ., மாணவிகளுக்கு  8 கி.மீ., 17 வயதுக்கு உள்பட்டோர் பிரிவில் மாணவர்களுக்கு 15 கி.மீ., மாணவிகளுக்கு 12 கி.மீ., 19  வயதுக்கு உள்பட்டோர் பிரிவில் மாணவர்களுக்கு 20 கி.மீ., மாணவிகளுக்கு 15. கி.மீ. தொலைவிலான போட்டிகள்  நடைபெற்றன. 
ஒவ்வொரு பிரிவிலும் தலா 4 பேர் தேர்வு செய்யப்பட்டுள்ளனர். இவர்கள் புணேவில் நடைபெறவுள்ள  தேசிய அளவிலான போட்டியில் தமிழக அணி சார்பில் பங்கேற்க உள்ளனர்.