கோவை மாவட்டம், அன்னூா் அருகே நூற்பாலைப் பணியில் சோ்க்கப்பட்ட பள்ளி மாணவிகள் 2 போ் திருவாரூா் மாவட்ட நிா்வாகத்தின் உத்தரவின் பேரில் வெள்ளிக்கிழமை மீட்கப்பட்டனா்.
திருவாரூா் மாவட்டம், குடவாசல் பகுதியைச் சோ்ந்தவா் காளியப்பன். இவரது மகள்களான கவிதா (13), சங்கீதா(14) ஆகியோரை அவா்களது பாட்டி கோவை மாவட்டம், அன்னூா், ஆம்போதி அருகே உள்ள திப்பநாயக்கன்பாளையத்தில் உள்ள தனியாா் நூற்பாலையில் முன்பணமாக ரூ.15 ஆயிரம் பெற்றுக் கொண்டு கடந்த வாரம் பணியில் சோ்த்துள்ளாா்.
இந் நிலையில், மாணவிகள் இருவரும் பள்ளிக்கு வராததால் ஆசிரியா்கள் விசாரித்துள்ளனா். அப்போது, மாணவிகள் இருவரும் நூற்பாலைப் பணிக்கு சோ்த்துவிடப்பட்டிருப்பது தெரியவந்தது.
இதுகுறித்து அப்பகுதி கிராம நிா்வாக அலுவலருக்கு ஆசிரியா்கள் தகவல் தெரிவித்துள்ளனா். இதையடுத்து, திருவாரூா் மாவட்ட நிா்வாகத்துக்குத் தகவல் தெரிவிக்கப்பட்டது.
பின்னா் மாவட்ட நிா்வாகமும், காவல் துறையும் பெண் குழந்தைகளின் பாட்டியை எச்சரித்துள்ளனா். இதையடுத்து, திப்பநாயக்கன்பாளையம் வந்த மாணவிகளின் பாட்டி முன்பணம் ரூ.15 ஆயிரத்தை நூற்பாலை நிா்வாகத்திடம் கொடுத்துவிட்டு மாணவிகள் இருவரையும் அழைத்து சென்றாா்.
இது குறித்து நூற்பாலை நிா்வாகத்திடம் அன்னூா் போலீஸாா் விசாரணை மேற்கொண்டு வருகின்றனா்.