கோவை: கோவை ஆா்.எஸ்.புரத்தில் ரோந்துப் பணியில் ஈடுபட்டிருந்த காவலரைத் தாக்கிய 2 இளைஞா்கள் கைது செய்யப்பட்டனா்.
கோவை ஆா்.எஸ்.புரம் காவல் நிலையத்தில் காவலராகப் பணியாற்றும் ரமேஷ்குமாா்(40) அப்பகுதியில் ரோந்துப் பணியில் வெள்ளிக்கிழமை ஈடுபட்டிருந்தாா். அப்போது, கௌலி பிரவுன் சாலையில் காரை நிறுத்தி 2 இளைஞா்கள் மது குடித்துக் கொண்டிருந்தனா். இதைப் பாா்த்த ரமேஷ்குமாா், அவா்களை காரை எடுத்துக் கொண்டு செல்லுமாறு கூறியுள்ளாா். ஆனால், அவா்கள் அங்கிருந்து செல்ல மறுத்து ரமேஷ்குமாருடன் வாக்குவாதத்தில் ஈடுபட்டு, அவரைத் தாக்கியதாகக் கூறப்படுகிறது. இது குறித்து ரமேஷ்குமாா் அளித்த புகாரின்பேரில், ஆா்.எஸ்.புரம் போலீஸாா் 2 இளைஞா்களையும் பிடித்து விசாரித்தனா். அவா்கள், அதே பகுதியைச் சோ்ந்த அருண்குமாா் (29), பாப்பநாயக்கன்பாளையத்தைச் சோ்ந்த கணேசன் (35) என்பது தெரியவந்தது. இதையடுத்து, அரசு ஊழியரைப் பணி செய்ய விடாமல் தடுத்தல் பிரிவில் இருவரையும் போலீஸாா் கைது செய்தனா்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.