‘குழந்தைகளை நூலகத்துக்கு அழைத்துச் செல்லுங்கள்’

பெற்றோா்கள் தங்கள் குழந்தைகளை நூலகத்துக்கு அழைத்துச் செல்ல வேண்டும் என்று ஸ்ரீசரஸ்வதி வித்யா மந்திா் மெட்ரிக். மேல்நிலைப் பள்ளியின் 6ஆவது ஆண்டு விழாவில் சேலம் ரயில்வே கோட்ட முதுநிலை வணிக மேலாளா் ஏ.ஹரிகிருஷ்ணன் பேசினாா்.

மேட்டுப்பாளையம் ஸ்ரீசரஸ்வதி வித்யா மந்திா் மெட்ரிக். மேல்நிலைப் பள்ளியின் 6ஆவது ஆண்டு விழா பள்ளி வளாகத்தில் சனிக்கிழமை நடைபெற்றது. இதில், சேலம் ரயில்வே கோட்ட முதுநிலை வணிக மேலாளா் ஏ.ஹரிகிருஷ்ணன் சிறப்பு விருந்தினராக பங்கேற்று பேசியதாவது:

மனிதனாகப் பிறப்பெடுத்த ஒவ்வொருவருக்கும் மேலோங்கிய தகுதி இருக்கிறது. அதனை வளா்த்துக்கொள்ள விரும்புபவா்கள் வெற்றியாளா்களாக உள்ளனா். பெற்றோா்கள் தங்கள் குழந்தைகளை பிறரோடு ஒப்பிட்டுப் பேசாமல் அவா்களுக்குரிய திறமையை அறிந்து அந்தத் துறையில் மேல்நோக்கி அவா்களை அழைத்துச் செல்ல வேண்டும்.

தோல்வி, அவமானம் அனைத்தையும் விருப்பமுடன் வரவேற்கப் பழக வேண்டும். அப்போதுதான் நீங்கள் தலைசிறந்தவா்களாகத் திகழ்வீா்கள். பெற்றோா்கள் தங்கள் குழந்தைகளை நூலகத்துக்கு அழைத்துச் செல்ல வேண்டும் என்றாா்.

விழாவுக்கு எஸ்.எஸ்.வி.எம். கல்வி நிறுவனத்தின் நிா்வாக அறங்காவலா் டாக்டா் மணிமேகலை மோகன் தலைமை வகித்தாா். அறங்காவலா் மோகன்தாஸ் முன்னிலை வகித்தாா். பள்ளி அளவில் அதிக மதிப்பெண் பெற்ற மாணவ, மாணவிகளுக்குப் பரிசுகள் வழங்கப்பட்டன. 383 மாணவா்களை கொண்ட விஸ்மயா சப்தா என்ற தலைப்பில் கலைநிகழ்ச்சி நடைபெற்றது.