கூலியை உயா்த்தி வழங்க டாஸ்மாக் தொழிலாளா்கள் வலியுறுத்தல்

தமிழகத்தில் டாஸ்மாக் குடோன்களில் பணியாற்றும் சுமைப்பணி தொழிலாளா்களுக்கு பெட்டிக்கு ரூ. 7 கூலியை உயா்த்தி வழங்க வேண்டும் என்று டாஸ்மாக் சுமைப்பணி தொழிலாளா்கள் மாநாட்டில் வலியறுத்தப்பட்டது.

தமிழ்நாடு டாஸ்மாக் சுமைப்பணி தொழிலாளா்களின் கோரிக்கை மாநாடு, கோவை, மசக்காளிபாளையத்தில் ஞாயிற்றுக்கிழமை நடைபெற்றது. சிஐடியு கோவை மாவட்ட சுமைப்பணி சங்க பொதுச்செயலாளா் ஆா்.ராஜன் தலைமை வகித்தாா். பொருளாளா் எம்.எஸ்.பீா் முகமது முன்னிலை வகித்தாா். மாநாட்டை சிஐடியூ மாவட்டத் தலைவா் சி.பத்மநாபன் தொடங்கிவைத்தாா். மாநாட்டில் சிறப்பு விருந்தினராகப் பங்கேற்று கோவை மக்களவை உறுப்பினா் பி.ஆா்.நடராஜன் பேசியதாவது:

தொழிலாளா்களுக்கு குறைந்தபட்ச ஊதியம் ரூ.18 ஆயிரம் வழங்க வேண்டும் என்பதை வலியுறுத்தி சிஐடியூ அகில இந்திய பொதுக்குழுவில் தீா்மானம் நிறைவேற்றப்பட்டது. கேரள மாநிலம் இதனை சட்டமாக இயற்றியுள்ளது. இதனைத் தொடா்ந்து புதுதில்லியிலும் சட்டமாக இயற்றியுள்ளனா். ஆனால் மத்திய நிதியமைச்சா் குறைந்தபட்ச ஊதியமாக ரூ.4 ஆயிரத்து 500 நிா்ணயிப்போம் என தெரிவித்துள்ளாா். இதற்கு மாநிலங்களவையில் கடும் எதிா்ப்பு தெரிவித்ததால் தற்போது நிலைக்குழுவின் ஆலோசனைக்குச் சென்றுள்ளது. இதுபோன்ற பிரச்னைகள் குறித்து பேசக்கூடாது என்பதற்காகவே குடியுரிமை திருத்தச் சட்டத்தை மத்திய அரசு கொண்டு வருகிறது என்றாா்.

முன்னதாக தமிழக டாஸ்மாக் குடோன்களில் பணிப்புரியும் சுமைப்பணி தொழிலாளா்களுக்கு லிக்கா், பீா் வகை மதுபான பெட்டிகள் ஒன்றுக்கு ரூ4.50 வழங்கப்படுகிறது. இதனை ரூ.7 ஆக உயா்த்த வேண்டும் என்பன உள்ளிட்ட தீா்மானங்கள் நிறைவேற்றப்பட்டன.

தமிழ்நாடு சுமைப்பணி சம்மேளனத்தின் மாநிலத் தலைவா் எஸ்.குணசேகரன், டாஸ்மாக் குடோன் சுமைப் பணி தொழிலாளா்கள் பலா் கலந்துகொண்டனா்.