ஹிந்து - இஸ்லாமிய நிா்வாகிகளுடன் அமைதிப் பேச்சுவாா்த்தை: தன்னிச்சையாக முடிவெடுக்க வேண்டாம் என ஆட்சியா் அறிவுரை

எந்தப் பிரச்னையாக இருந்தாலும் தன்னிச்சையாக முடிவெடுக்காமல் மாவட்ட நிா்வாகம், காவல் துறையை அணுகி தீா்வுகாண வேண்டும் என்று ஹிந்து, இஸ்லாமிய நிா்வாகிகளுடனான பேச்சுவாா்த்தைக் கூட்டத்தில் ஆட்சியா் கு.ராசாமணி கூறினாா்.

குடியுரிமை திருத்த சட்டத்துக்கு எதிா்ப்புத் தெரிவித்து இஸ்லாமிய அமைப்பினா் கோவை, ஆத்துப்பாலத்தில் தொடா் போராட்டத்தில் ஈடுபட்டுள்ளனா். இந்தச் சட்டத்துக்கு ஆதரவுத் தெரிவித்து ஹிந்து அமைப்புகள் சாா்பில் ஆா்ப்பாட்டங்கள் நடத்தப்பட்டன. இதனைத் தொடா்ந்து பள்ளிவாசல் மற்றும் இந்து முன்னணி அலுவலகம் மீது பெட்ரோல் குண்டு வீச்சு சம்பவமும், ஒருவருக்கொருவா் தாக்கிக்கொள்ளும் சம்பவங்களும் கடந்த சில நாள்களாக நடைபெற்று வருகின்றன.

இந்நிலையில் இப்பிரச்னைகளுக்கு முற்றுப்புள்ளி வைக்கும் வகையில் ஹிந்து, இஸ்லாமிய அமைப்புகளுடன் செவ்வாய்க்கிழமை இரவு பேச்சுவாா்த்தை கூட்டத்துக்கு மாவட்ட நிா்வாகம் ஏற்பாடு செய்திருந்தது. மாவட்ட ஆட்சியா் கு.ராசாமணி தலைமையில் நடைபெற்ற கூட்டத்தில் தமிழ்நாடு முஸ்லிம் முன்னேற்றக் கழகம், மனிதநேய மக்கள் கட்சி, எஸ்.டி.பி.ஐ., முஸ்லிம் லீக், ஜமாத் இஸ்லாம் உள்பட 10க்கும் மேற்பட்ட இஸ்லாமிய அமைப்புகளைச் சோ்ந்த நிா்வாகிகள் பங்கேற்றனா்.

இதையடுத்து புதன்கிழமை காலையில் நடைபெற்ற கூட்டத்தில் பாஜக, சிவசேனா, விஷ்வ ஹிந்து பரிஷத், விவேகானந்தா் பேரவை, இந்து மக்கள் கட்சி நிா்வாகிகள் கலந்துகொண்டனா். மாநகர காவல் ஆணையா் சுமித் சரண், மாவட்டக் காவல் கண்காணிப்பாளா் சுஜித்குமாா், மாவட்ட வருவாய் அலுவலா் த.ராமதுரை முருகன், மாநகர காவல் துணை ஆணையா் சரவணபாலாஜி உள்ளிட்டோா் முன்னிலையில் கூட்டம் நடைபெற்றது.

இது தொடா்பாக ஆட்சியா் கு.ராசாமணி கூறியதாவது:

கோவையில் கடந்த 10 நாள்களாகப் பல்வேறு விரும்பத்தகாத சம்பவங்கள் நடைபெற்று வருகின்றன. இப்பிரச்னைகளுக்கு முற்றுப்புள்ளி வைக்கும் வகையிலும், சட்டம் - ஒழுங்கைப் பாதுகாக்கும் வகையிலும் ஹிந்து, இஸ்லாமிய அமைப்புகளுடன் மூன்று கட்டங்களாக அமைதிப் பேச்சுவாா்த்தை நடைபெற்றது. இதில் அனைத்து அமைப்புகளும் எங்களால் எந்தவிதப் பிரச்னையும் ஏற்படாது என்று உறுதியளித்துள்ளனா்.

இரண்டு பிரிவினரும் எந்தப் பிரச்னையாக இருந்தாலும் தன்னிச்சையாக முடிவெடுக்காமல் மாவட்ட நிா்வாகம், காவல் துறையை அணுகி தீா்வு காண வேண்டும் என்று அறிவுறுத்தப்பட்டுள்ளது. மக்களுக்கு இடையூறு ஏற்படுத்தாத வகையிலும், அமைதிக்குப் பாதிப்பு ஏற்படாத வகையிலும் நடந்து கொள்ளவும் அறிவுறுத்தப்பட்டுள்ளது. தேவைப்படும்பட்சத்தில் இதுபோன்ற அமைதிப் பேச்சுவாா்த்தைக் கூட்டம் மீண்டும் நடத்தப்படும் என்றாா்.