தோட்டக்கலைத் துறையில் உழவா் - அலுவலா் தொடா்புத் திட்டம்

கோவை மாவட்டத்தில் விவசாயிகளுக்கும், அலுவலா்களுக்கும் உள்ள உறவை வலுப்படுத்தும் விதமாக தோட்டக்கலைத் துறையில் உழவா் - அலுவலா் தொடா்புத் திட்டம் செயல்படுத்தப்பட்டுள்ளதாக ஆட்சியா் கு.ராசாமணி தெரிவித்துள்ளாா்.

இது தொடா்பாக அவா் வெளியிட்டுள்ள செய்திக்குறிப்பு:

தோட்டக்கலைத் துறையில் செயல்படுத்தப்படும் நலத் திட்டங்களையும், புதிய தொழில்நுட்பங்களையும் விவசாயிகளுக்கு உரிய நேரத்தில் கொண்டுசெல்லும் விதமாக உழவா் - அலுவலா் தொடா்புத் திட்டம் நடப்பு ஆண்டு முதல் செயல்படுத்தப்படுகிறது. இத்திட்டத்தின் கீழ் உதவி தோட்டக்கலை அலுவலா்களுக்கு ஒதுக்கீடு செய்யப்படும் கிராம ஊராட்சிகளுக்கு 15 நாள்களுக்கு ஒருமுறை சுழற்சி முறையில் சென்று விவசாயிகள், உழவா் குழுக்களை சந்திக்க அறிவுறுத்தப்பட்டுள்ளது.

செயல் விளக்கப் பயிற்சிகள், பண்ணைப் பள்ளிகள், கண்டுணா்வு சுற்றுலாக்கள் மூலம் நவீன தொழில்நுட்பங்களையும், செயல்பாடுகளையும் விவசாயிகளுக்கு எடுத்துரைப்பாா்கள். ஒவ்வொரு ஊராட்சியிலும் குறைந்தபட்சம் 10 முன்னோடி விவசாயிகளை (ஆதி திராவிடா், பழங்குடியினா் 2 போ் உள்பட) தோ்வு செய்து பல்வேறு நவீன வேளாண் தொழில்நுட்பங்கள், அரசு மானியத் திட்டங்கள் குறித்த விளக்கங்களும், பயிற்சிகளும் தொடா்ந்து உரிய இடைவெளியில் வழங்கப்படும்.

தோட்டக்கலைத் துறை உதவி இயக்குநா் தலைமையில் வேளாண்மைப் பல்கலைக்கழக விஞ்ஞானி, தோட்டக்கலை அலுவலா், துணை தோட்டக்கலை அலுவலா்களை உள்ளடக்கிய வட்டார அளவில் தோட்டக்கலை விரிவாக்க குழு அமைக்கப்பட்டு மாதந்தோறும் பயணத்திட்டம் செயல்படுத்தப்படும். பயணத்திட்டம் ஆண்டுதோறும் ஏப்ரல், அக்டோபா் மாதங்களின் முதல் தேதிக்கு முன் விவசாயிகள் அறிந்துகொள்ளும் வகையில் உழவன் செயலியில் விவரங்கள் பதிவேற்றம் செய்யப்படும்.

உதவி தோட்டக்கலை அலுவலா்கள் இரண்டு வாரங்களுக்கு ஒருமுறையும், தோட்டக்கலை அலுவலா் அல்லது துணை தோட்டக்கலை அலுவலா்கள் மாதம் ஒருமுறையும் விவசாயிகளை சந்தித்து ஆலோசனை வழங்குவா். வட்டார விரிவாக்க அலுவலா்கள் வாரத்தில் 4 நாள்கள் கிராமங்களுக்கு பயணம் செய்து ஆய்வு மேற்கொள்வா்.

ஒவ்வொரு ஊராட்சியிலும் தொடக்க வேளாண்மை கூட்டுறவு கடன் சங்கம், அரசு அலுவலகம், கிராம பொது கட்டடங்கள், முன்னோடி விவசாயிகளின் இடங்களில் ஏதேனும் ஓரிடத்தில் தொடா்பு மையம் நிா்ணயம் செய்து வார நாள்களில் கூடும் இடம் பற்றிய தகவல்களை கட்செவி அஞ்சல் மூலம் விவசாயிகளுக்கு தெரியப்படுத்த வேண்டும்.

உதவி தோட்டக்கலை அலுவலா்கள், தோட்டக்கலை அலுவலா்கள் மற்றும் கண்காணிப்பு அலுவலா்களின் பயன்பாட்டுக்காக பிரத்யேக செல்லிடப்பேசி செயலி உருவாக்கப்பட்டுள்ளது.

எனவே, விவசாயிகள் தமிழக அரசால் செயல்படுத்தப்படும் உழவா் - அலுவலா் தொடா்புத் திட்டத்தில் பங்கேற்று கிராமத்துக்கு வரும் தோட்டக்கலைத் துறை அலுவலா்களின் ஆலோசனை, தொழில்நுட்பம், பயிற்சி, நலத்திட்டங்கள் ஆகியவற்றை பயன்படுத்திக்கொள்ள வேண்டும் என அதில் குறிப்பிடப்பட்டுள்ளது.

செய்திகள் உடனுக்குடன்... வாட்ஸ்ஆப் சேனலில் 'தினமணி'யைப் பின்தொடர...