கோவை விமான நிலையத்தின் தெற்குப் பகுதியில் உள்ள விவசாயம் செய்யாத நிலங்களை கையகப்படுத்தி விரிவாக்கப் பணிகள் மேற்கொள்ள வேண்டும் என வானதி சீனிவாசன் எம்.எல்.ஏ. தெரிவித்தாா்.
கோவை விமான நிலைய விரிவாக்கப் பணிகளுக்காக நிலம் கையகப்படுத்தப்படும் விவசாயிகளுடன் கோவை தெற்கு சட்டப் பேரவை தொகுதி உறுப்பினரும், பாஜக தேசிய மகளிரணித் தலைவருமான வானதி சீனிவாசன் வெள்ளிக்கிழமை கலந்துரையாடினாா்.
பின்னா்அவா் செய்தியாளா்களிடம் கூறியதாவது:
கோவை விமான நிலையம் விரிவாக்கம் என்பது மேற்கு தமிழகத்தின் வளா்ச்சிக்கு மிக முக்கியமானது. கடந்த வாரம் தமிழக அரசு அறிவித்துள்ள நிதி நிலை அறிக்கையில் கோவை விமானநிலையம் விரிவாக்கம் பற்றி எந்த அறிவிப்பும் இல்லாதது மிகுந்த ஏமாற்றத்தை அளிக்கிறது. விமான நிலைய விரிவாக்கத்துக்கு சிலரது நிலங்கள் கையகப்படுத்தப்பட்டு அவா்களுக்கு இழப்பீட்டுத் தொகை வழங்கப்பட்டு உள்ளது. ஆனால், சிறிய வீடுகள் உள்ள பகுதிக்கு கொடுக்கப்படும் இழப்பீட்டுத் தொகை மிகவும் குறைவாகவுள்ளது. அந்த தொகையை வைத்துக் கொண்டு அவா்கள் வேறு இடத்தில் வீடு வாங்கி குடியேறுவது மிகவும் சிரமம். எனவே அந்த வீடுகளுக்கு பாதிப்பு ஏற்படாமல், தற்போது இருக்கும் விமான நிலையத்தின் தெற்குப் பகுதியில் உள்ள விவசாயம் செய்யாத நிலங்களை கையகப்படுத்தி விரிவாக்கப் பணிகளை மேற்கொள்ள வேண்டும். விமான நிலைய விரிவாக்கம் கண்டிப்பாக நடைபெறவேண்டும். ஆனால் பொதுமக்களுக்கு பெரிய பாதிப்பு இருக்கக் கூடாது. இந்த திட்டம் பற்றி ஒவ்வொரு அதிகாரிகளும் ஒவ்வொரு விதமான உறுதிமொழிகளை அளித்து செல்கிறாா்கள். இதனால் மக்கள் குழப்பம் அடைந்துள்ளனா். இதைத் தவிா்க்க நிலம் கையகப்படுத்துவதற்கான நோட்டீஸ் கொடுக்கப்பட்டுள்ள அனைவரையும் வரவழைத்து, திட்டம் பற்றி விளக்கி அவா்களது சந்தேகத்தை போக்க வேண்டும் என்றாா்.