தூய்மைப் பணிகள்: மாவட்ட ஆட்சியா், மாநகராட்சி ஆணையா் கூட்டாக ஆய்வு

கோவை மாநகராட்சி மத்திய மண்டல பகுதிகளில் நடைபெற்ற தூய்மைப் பணிகளை மாவட்ட ஆட்சியா் ஜி.எஸ்.சமீரன் மற்றும் மாநகராட்சி ஆணையா் ராஜகோபால் சுன்கரா ஆகியோா் சனிக்கிழமை பாா்வையிட்டு ஆய்வு நடத்தினா்.

கோவை மாநகராட்சி மத்திய மண்டலம் 72ஆவது வாா்டுக்கு உள்பட்ட காளீஸ்வரா மில் பகுதியில் சாலையோரங்களில் உள்ள குப்பைகளை அப்புறப்படுத்தும் பணிகள் சனிக்கிழமை மேற்கொள்ளப்பட்டன. இப்பணிகளை மாவட்ட ஆட்சியா் ஜி.எஸ்.சமீரன் மற்றும் மாநகராட்சி ஆணையா் ராஜகோபால் சுன்கரா கூட்டாகப் பாா்வையிட்டு ஆய்வு நடத்தினா்.

அப்போது, தூய்மைப் பணியாளா்கள் அனைவரும் பாதுகாப்பு உபகரணங்கள் அணிந்து பணிகளை மேற்கொள்ள வேண்டும். அனைவரும் கட்டாயம் தடுப்பூசிகள் செலுத்திக் கொள்ள வேண்டும் என அறிவுறுத்தினா். அதன் பிறகு, மத்திய மண்டலம் 51ஆவது வாா்டு, மாநகராட்சி சுகாதார ஆய்வாளா் அலுவலக வளாகத்தில் களப் பணியாளா்களிடம் வீடுதோறும் மேற்கொள்ளப்பட்டு வரும் பணிகள் குறித்தும், அவா்கள் சேகரித்த விவரங்கள் குறித்தும் கேட்டறிந்தனா்.

அதனைத் தொடா்ந்து, மாநகராட்சி ஆணையா் ராஜகோபால் சுன்கரா, சீனிவாசபுரம் மாநகராட்சி திருமண மண்டபத்தில் அமைக்கப்பட்டிருந்த சித்த மருத்துவ கரோனா சிறப்பு சிகிச்சை முகாமில் சிகிச்சை முறைகள் குறித்து மருத்துவா்களிடம் கேட்டறிந்தாா்.

ஆய்வின்போது, மாநகராட்சி அதிகாரிகள், அலுவலா்கள் உடனிருந்தனா்.