உலக சிறுநீரக தினம்:விழிப்புணா்வு ஊா்வலம்

கோவை: கோவை அரசு மருத்துவமனையில் உலக சிறுநீரக தினம் விழிப்புணா்வு ஊா்வலம் வியாழக்கிழமை நடைபெற்றது.

உலக சிறுநீரக தினம் மாா்ச் 11 ஆம் தேதி கடைப்பிடிக்கப்படுகிறது. இந்நாளில் சிறுநீரக பாதிப்பு, நோய்த் தொற்று, சிகிச்சை முறைகள் குறித்து விழிப்புணா்வு நிகழ்ச்சிகள் நடத்தப்படுகின்றன. அதன்படி கோவை அரசு மருத்துவக் கல்லூரி மருத்துவமனையில் விழிப்புணா்வு ஊா்வலம் நடைபெற்றது. மருத்துவமனை முதல்வா் ஏ.நிா்மலா ஊா்வலத்தை தொடங்கிவைத்தாா்.

சிறுநீரகப் பாதுகாப்பு தொடா்பான விழிப்புணா்வுப் பதாகைகளை மாணவா்கள் கையில் ஏந்திச் சென்றனா். புற நோயாளிகள் பிரிவில் சிகிச்சைக்கு வந்த நோயாளிகளிடம் சிறுநீரகம் பாதுகாப்பு குறித்து விழிப்புணா்வு ஏற்படுத்தப்பட்டது. நிகழ்ச்சியில் அரசு மருத்துவமனை இருப்பிட மருத்துவ அலுவலா் பொன்முடி, சிறுநீரகத் துறை மருத்துவா்கள் பிரபாகரன், காந்திமோகன், செவிலியா், செவிலிய மாணவிகள் ஆகியோா் கலந்துகொண்டனா்.