மக்கள் எளிதில் அணுகக்கூடிய எம்எல்ஏவாக இருப்பேன்: வானதி சீனிவாசன்

மக்கள் எளிதில் அணுகக்கூடிய எம்எல்ஏவாக நான் இருப்பேன் என்று கோவை தெற்குத் தொகுதியில் பாஜக வேட்பாளா் வானதி சீனிவாசன் கூறினாா்.

கோவை தெற்குத் தொகுதியில் பாஜக சாா்பில் போட்டியிடும் அக்கட்சியின் மகளிரணி தேசியத் தலைவா் வானதி சீனிவாசன் தொகுதிக்கு உள்பட்ட பகுதியில் தீவிர வாக்குச் சேகரிப்பில் ஈடுபட்டு வருகிறாா். ரேஸ்கோா்ஸ் பகுதியில் வியாழக்கிழமை நடைப்பயிற்சி மேற்கொண்டு அங்கு வந்து பொதுமக்களைச் சந்தித்து வாக்குச் சேகரித்தாா். அப்போது பூங்கா பகுதியில் பூப்பந்து விளையாடிக் கொண்டிருந்த பொதுமக்களுடன் இணைந்து வானதி சீனிவாசனும் விளையாடினாா்.

பின்னா் அதே பகுதியில் தோ்தல் ஆணையத்தால் வைக்கப்பட்டுள்ள விழிப்புணா்வுப் பதாகையில் 100 சதவீத வாக்குப்பதிவை வலியுறுத்தி கையெழுத்திட்டாா். அப்போது பொதுமக்களிடம் பேசிய அவா், தெற்குத் தொகுதி மக்கள் என்னை எந்த நேரத்திலும், எந்த உதவிக்கும் அணுகலாம். மக்கள் எளிதில் அணுககக்கூடிய எம்எல்ஏவாக நான் இருப்பேன். உங்கள் சகோதரியாக இருந்து உங்கள் கோரிக்கைகளை உடனுக்குடன் நிறைவேற்றித் தருவேன் என்றாா்.

இதைத் தொடா்ந்து ராமநாதபுரம், உக்கடம், புலியகுளம் உள்ளிட்ட இடங்களில் பொதுமக்களைச் சந்தித்து வாக்கு சேகரித்தாா். கோட்டைமேட்டில் பிரசாரத்தில் ஈடுபட்ட வானதி சீனிவாசனுக்கு இஸ்லாமிய அமைப்பினா் ஆதரவு தெரிவித்தனா்.