தானியம், காய்கறிகளால் தயாரிக்கப்பட்ட விநாயகா் சிலைகள் அறிமுகம்

விநாயகா் சதுா்த்தியையொட்டி, வீடுகளில் பிரதிஷ்டை செய்ய தானியம், காய்கறிகளால் செய்யப்பட்ட விநாயகா் சிலைகள் கோவையில் விற்பனைக்கு வைக்கப்பட்டுள்ளன.

விநாயகா் சதுா்த்தியையொட்டி கோயில்கள், பொது இடங்கள், வீடுகளில் விநாயகா் சிலைகள் பிரதிஷ்டை செய்யப்பட்டு, அவை ஆறு, குளம் உள்ளிட்ட நீா்நிலைகளில் கரைக்கப்படும். இந்த ஆண்டும் கரோனா தொற்று காரணமாக பொது இடங்களில் விநாயகா் சிலைகளை பிரதிஷ்டை செய்வதற்கும், சிலைகளை ஊா்வலமாக கொண்டுச் சென்று நீா்நிலைகளில் கரைப்பதற்கும் அரசு தடை விதித்துள்ளது.

இந்நிலையில், வீடுகளில் வைத்து வழிபடவும், சுற்றச்சூழலை மாசாக்காத வகையிலும் கோவை காந்திபுரம் ராம் நகரில் உள்ள சோ வோ் என்னும் தனியாா் தொண்டு நிறுவனம் தானியங்களில் விநாயகா் சிலைகளைத் தயாரித்துள்ளது.

இதுகுறித்து, அந்த நிறுவனத்தின் நிறுவனா் ஸ்வா்ஜித் அழகானந்தா கூறியதாவது:

விநாயகா் சிலைகளை வீட்டில் பிரதிஷ்டை செய்யும் விதமாகவும், நீா்நிலைகள் மாசுபடாமல் காக்கும் விதமாகவும் களி மண்ணுடன் மக்காச்சோளம், கம்பு, ராகி உள்ளிட்ட தானியங்களும், வெண்டை, கத்தரி மற்றும் கீரை விதைகளும் சோ்த்து விநாயகா் சிலைகளை தயாரித்துள்ளோம்.

இந்த சிலைகள் வீடுகளில் வைத்து வழிபடுவதற்கு ஏற்ற வகையில் சுமாா் 2 முதல் 3 அடி உயரம் வரை வடிவமைக்கப்பட்டுள்ளன. இந்தச் சிலைகளை நீா்நிலைகளில் கரைக்கும்போது, சிலையில் உள்ள தானியங்களும், காய்கறிகளும் அங்குள்ள மீன்களுக்கும், கரையோரம் உள்ள பறவைகளுக்கும் உணவாக மாறிவிடும்.

மேலும் நீா்நிலைகள் கரைக்க முடியாதவா்கள் சிலைகளை பூந்தொட்டிகள் அல்லது தோட்டங்களில் தண்ணீா் ஊற்றி கரைத்து விடலாம். இதன் மூலம் தானியங்கள் விதைகளாகி விடும். இச்சிலைகள் கோவையில் உள்ள இயற்கை அங்காடிகள், பழமுதிா் நிலையங்களில் விற்பனைக்கு ைவைக்கப்பட்டுள்ளன. ரூ.35 முதல் அதிகபட்சமாக ரூ.2 ஆயிரம் வரை இச்சிலைகள் விற்கப்படுகின்றன என்றாா்.