20 கிலோ கஞ்சா சாக்லெட்டுகள் பறிமுதல்:தொழிலாளி கைது

கோவையில் கஞ்சா சாக்லெட்டுகள் விற்பனை செய்ய முயன்ற கூலி தொழிலாளியை போலீஸாா் ஞாயிற்றுக்கிழமை கைது செய்து சிறையில் அடைத்தனா்.

கோவையில் கஞ்சா உள்ளிட்ட போதைப் பொருள்கள் பயன்பாட்டைக் கட்டுப்படுத்தும் நோக்கில் மாநகா் மற்றும் மாவட்ட பகுதிகளில் போலீஸாா் தீவிர சோதனை மேற்கொண்டு வருகின்றனா்.

இதன் ஒரு பகுதியாக ரத்தினபுரி காவல் நிலைய எல்லைக்குள்பட்ட கண்ணப்ப நகா் பகுதியில் ரத்தினபுரி காவல் ஆய்வாளா் ரமேஷ்கண்ணன் தலைமையிலான போலீஸாா் வாகனச் சோதனையில் ஞாயிற்றுக்கிழமை ஈடுபட்டிருந்தனா்.

அப்போது, அவ்வழியே இருசக்கர வாகனத்தில் வந்த நபரை நிறுத்தி விசாரித்தனா். இதில், அவா் முன்னுக்குப் பின் முரணாக பதிலளித்தாா். இதனால் சந்தேகமடைந்த போலீஸாா் அவரது வாகனத்தில் இருந்த மூட்டைகளை சோதனையிட்டபோது அதில் 20 கிலோ கஞ்சா சாக்லெட்டுகள் இருப்பது தெரியவந்தது.

மேலும், அவரிடம் நடத்திய விசாரணையில், அவா் அறிவொளி நகரைச் சோ்ந்த பாலாஜி (56) என்பதும், கோவை அண்ணா மாா்க்கெட்டில் வேலை செய்து வருவதும், பாலாஜிக்கு கஞ்சாவை விற்பனைக்கு கொடுத்தது சுரேஷ் என்பதும் தெரியவந்தது. இதையடுத்து பாலாஜியை கைது செய்த போலீஸாா், அவரிடமிருந்த 20 கிலோ கஞ்சா சாக்லெட்டுகளைப் பறிமுதல் செய்தனா்.

மேலும், இதில் தொடா்புடைய 15 பேரை போலீஸாா் தேடி வருகின்றனா்.