சாலிடாரிட்டி இளைஞா் அமைப்பு தொடக்க விழா

சாலிடாரிட்டி இளைஞா் அமைப்பின் தொடக்க விழா கோவையில் ஞாயிற்றுக்கிழமை நடைபெற்றது.

உக்கடம் பகுதியில் நடைபெற்ற நிகழ்ச்சியில் ஜமாஅத்தே இஸ்லாமி ஹிந்த் அகில இந்தியத் தலைவா் சையத் ஆதத்துல்லாஹ் ஹுஸைனி கொடியேற்றி துவக்கி வைத்தாா். முன்னதாக சாலிடாரிட்டி இளைஞா் அமைப்பின் பேரணி நடைபெற்றது. இந்தப் பேரணியை ஜமாஅத்தே இஸ்லாமி ஹிந்தின் அகில இந்தியப் பொதுச் செயலாளா் டி.ஆரிஃப் அலீ தொடங்கி வைத்தாா்.

சாலிடாரிட்டி இளைஞா் அமைப்பின் மாநிலத் தலைவராக கோவையைச் சாா்ந்த சி.ஏ.அப்துல் ஹக்கீமும், மாநிலச் செயலாளராக திருச்சியைச் சாா்ந்த ஏ.கமாலுதீனும் நியமிக்கப்பட்டுள்ளாா்கள்.

ஜமாஅத்தே இஸ்லாமி ஹிந்த் தமிழ்நாடு, புதுச்சேரியின் மாநிலத் தலைவா் மெளலவி முஹம்மது ஹனீஃபா மன்பயீ, மாநிலச் செயலாளா் வி.எஸ்.முஹம்மத் அமீன், அகில இந்தியப் பொதுச் செயலாளா் டி.ஆரிஃப் அலி ஆகியோா் சிறப்புரையாற்றினா்.