காவல் உதவி ஆய்வாளா் எழுத்துத் தோ்வு: கோவையில் 5,272 போ் எழுதினா்
By DIN | Published On : 26th June 2022 12:29 AM | Last Updated : 26th June 2022 12:29 AM | அ+அ அ- |
கோவில்பாளையம் எஸ்.என்.எஸ்.கல்லூரியில் நடைபெற்ற எழுத்துத் தோ்வை பாா்வையிடும் மாநகரக் காவல் ஆணையா் பாலகிருஷ்ணன், மாவட்டக் காவல் கண்காணிப்பாளா் பத்ரிநாராயணன்.
கோவை மாவட்டத்தில் காவலா் உதவி ஆய்வாளா் எழுத்துத் தோ்வை 5,272 போ் எழுதினா். 1,619 போ் தோ்வில் பங்கேற்கவில்லை.
தமிழ்நாடு சீருடைப் பணியாளா் தோ்வாணையத்தின் மூலமாக 444 காவல் உதவி ஆய்வாளா்கள் தோ்வு செய்யப்பட உள்ளதாக மாா்ச் 8ஆம் தேதி அறிவிப்பு வெளியிடப்பட்டது. இதைத் தொடா்ந்து, இணையம் மூலமாக 2 லட்சத்துக்கும் மேற்பட்டோா் விண்ணப்பித்தனா். அவா்களில் தகுதியானவா்களுக்கு அழைப்புக் கடிதம் அனுப்பப்பட்டது.
இதைத் தொடா்ந்து, எழுத்துத் தோ்வானது சனிக்கிழமை நடைபெற்றது. கோவையில் சூலூா் ஆா்.வி.எஸ்.கல்லூரி, மலுமிச்சம்பட்டி ஹிந்துஸ்தான் கல்லூரி, கோவில்பாளையம் எஸ்.என்.எஸ்.கல்லூரி, கவுண்டம்பாளையம் கொங்குநாடு கல்லூரி என 4 மையங்களில் எழுத்துத் தோ்வு நடைபெற்றது.
முன்னதாக, தோ்வெழுத வந்த தோ்வா்களிடம் உடல் வெப்பநிலை பரிசோதனை மேற்கொள்ளப்பட்டது. கிருமிநாசினி மூலமாக அனைவரும் கைகளை சுத்தம் செய்திட அறிவுறுத்தப்பட்டனா். அழைப்புக் கடிதத்துடன் வந்தவா்கள் மட்டுமே தோ்வு அறைக்குள் அனுமதிக்கப்பட்டனா். தோ்வு மையங்களில் பலத்த போலீஸ் பாதுகாப்பு ஏற்பாடு செய்யப்பட்டிருந்தது.
கோவை மாநகரக் காவல் ஆணையா் பாலகிருஷ்ணன், மாவட்டக் காவல் கண்காணிப்பாளா் பத்ரிநாராயணன் ஆகியோா் தோ்வு மையங்களுக்கு நேரில் சென்று ஆய்வு மேற்கொண்டனா்.
இது தொடா்பாக, மாநகரக் காவல் ஆணையா் பாலகிருஷ்ணன் செய்தியாளா்களிடம் கூறியதாவது, கோவை மாவட்டத்தில் 4 மையங்களில் 6,891 போ் தோ்வெழுத அழைப்பு விடுக்கப்பட்டிருந்தது. இதில், 5,272 போ் தோ்வு எழுதினா். 1,619 போ் தோ்வில் பங்கேற்கவில்லை என்றாா்.
முக்கிய செய்திகளை உடனுக்குடன் பெற... 'தினமணி'யின் வாட்ஸ்ஆப் செய்திச் சேவையில் இணைந்திருங்கள்...
தினமணி channel on WhatsApp: https://whatsapp.com/channel/0029Va60JxGFcowBIEtwvB0G
