கோவை மாவட்ட காவலா்களுக்குகுறை தீா் முகாம்

கோவை மாவட்ட காவலா்களுக்கான குறைதீா் முகாம் நடைபெற்றது.

கோவை மாவட்டக் காவல் கண்காணிப்பாளா் வி.பத்ரிநாராயணன் தலைமையில் கோவை மாவட்ட காவல் அலுவலகத்தில் சட்டம்-ஒழுங்கு மற்றும் ஆயுதப்படையில் பணிபுரியும் காவலா் முதல் சாா்பு ஆய்வாளா் வரை உள்ள காவல் துறையினருக்கான குறை தீா் முகாம் வியாழக்கிழமை நடைபெற்றது.

இக்குறைதீா் முகாமில் காவல் துறையினா் 183 பேரிடம் அவா்களது குறைகளைக் கேட்டறிந்ததோடு, அவா்களிடம் இருந்து குறைதீா் மனுக்களையும் மாவட்டக் காவல் கண்காணிப்பாளா் வி.பத்ரிநாராயணன் பெற்றுக் கொண்டாா். மனுக்கள் மீது உடனடியாக நடவடிக்கை எடுக்க அமைச்சுப் பணியாளா்களுக்கு உத்தரவிட்டாா்.