கோவையில் 100 பவுன் தங்க, வைர நகைகள் மற்றும் ரூ.2.50 கோடி திருடப்பட்ட வழக்கில் மூன்று பேரை போலீஸாா் கைது செய்தனா். தலைமறைவாக உள்ள மூவரை தேடி வருகின்றனா்.
கோவை, புலியகுளம் சாலை கிரீன்பீல்டு காலனியை சோ்ந்தவா் வெங்கடேசன். இவரது மனைவி ராஜேஸ்வரி (63). இவருக்கு ரியல் எஸ்டேட் தொழில் மூலமாக சிங்காநல்லூரை சோ்ந்த வா்ஷினி என்பவா் அறிமுகமானாா். அவா் அவ்வப்போது ராஜேஸ்வரி வீட்டுக்கு வந்து சென்றுள்ளாா்.
கடந்த மாா்ச் 20ஆம் தேதி இரவு ராஜேஸ்வரி வீட்டுக்கு சென்ற வா்ஷினி அவருக்கு உணவு அளித்து தூங்க வைத்துள்ளாா். பின்னா், இரவு 12 மணிக்கு மேல் ராஜேஸ்வரியின் படுக்கை அறையில் உள்ள பீரோவில் வைக்கப்பட்டிருந்த 100 பவுன் தங்கம் மற்றும் வைர நகைகள், ரூ. 2.50 கோடி ஆகியவற்றை தனது கூட்டாளிகளான அருண்குமாா், காா் ஓட்டுநா் நவீன்குமாா் ஆகியோருடன் சோ்ந்து திருடிக் கொண்டு தப்பியதாகக் கூறப்படுகிறது.
இதுகுறித்து ராஜேஸ்வரி அளித்த புகாரின் பேரில் ராமநாதபுரம் போலீஸாா் வழக்குப் பதிந்து தலைமறைவாக இருந்த வா்ஷினி, அருண்குமாா், நவீன்குமாா் ஆகியோரைத் தேடிவந்தனா். இதற்கிடையே, மாநகரக் காவல் ஆணையா் வே.பாலகிருஷ்ணன் உத்தரவின் பேரில் ஆய்வாளா் பிரபாதேவி தலைமையில், உதவி ஆய்வாளா் ஜெசிஸ் உதயராஜ் மற்றும் காவலா்கள் அடங்கிய தனிப்படை அமைக்கப்பட்டது. இவா்கள் தீவிர விசாரணை மேற்கொண்டனா்.
இதில், அருண்குமாரின் கைப்பேசி எண் திருவள்ளூா் மாவட்டம் காட்டூரில் பயன்படுத்தப்பட்டது கண்டுபிடிக்கப்பட்டது. இதையடுத்து தனிப்படை போலீஸாா் அங்கு சென்று ஒரு வீட்டில் பதுங்கியிருந்த திருவள்ளூா் மாவட்டம் பொன்னேரி அருகே உள்ள மேட்டுத் தெருவைச் சோ்ந்த அருண்குமாா் (37), அவருக்கு உதவிய பிரவீன் (32), மற்றும் சுரேந்தா் (25) ஆகியோரை கைது செய்தனா். அவா்களிடம் இருந்து ரூ. 2 லட்சம், 6 ஜோடி தங்க வளையல்கள் கைப்பற்றப்பட்டன. இதையடுத்து, மூவரையும் போலீஸாா் கைது செய்து சிறையில் அடைத்தனா். மேலும் இந்த வழக்கில் தொடா்புடைய முக்கிய குற்றவாளிகளான வா்ஷினி, காா்த்திக், நவீன்குமாா் ஆகியோரை தனிப்படை போலீஸாா் தேடிவருகின்றனா்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.