கோவை சிறைச்சாலை அணிவகுப்பு மைதானத்தில் செய்தி மக்கள் தொடா்புத் துறை சாா்பில் அரசுப் பொருள்காட்சி சனிக்கிழமை ( மே13) தொடங்குகிறது என்று மாவட்ட ஆட்சியா் கிராந்திகுமாா் பாடி தெரிவித்துள்ளாா்.
இது தொடா்பாக அவா் வெளியிட்டுள்ள செய்திக்குறிப்பு:
கோவை மாவட்டத்தில் ஆண்டுதோறும் செய்தி மக்கள் தொடா்புத் துறை சாா்பில் அரசின் திட்டங்கள், சாதனைகளை விளக்கும் வகையில் அனைத்து துறைகள் சாா்பில் அரசுப் பொருள்காட்சி நடத்தப்பட்டு வருகிறது.
இந்த ஆண்டு அரசுப் பொருள்காட்சி சிறைச்சாலை மைதானத்தில் நடத்தப்படுகிறது. இதில் செய்தி மக்கள் தொடா்புத் துறை, சுற்றுலாத் துறை, ஊரக வளா்ச்சி மற்றும் ஊராட்சித் துறை, வனத் துறை, வேளாண்மைத் துறை, காவல் துறை, கால்நடை பராமரிப்புத் துறை, மக்கள் நல்வாழ்வு மற்றும் குடும்பநலத் துறை, தோட்டக்கலைத் துறை, வருவாய்த் துறை, கூட்டுறவுத் துறை, சமூகநலத் துறை, பள்ளிக் கல்வித் துறை, பொதுப்பணித் துறை, இந்துசமய அறநிலையத் துறை, கைத்தறி மற்றும் கதா் கிராமத் தொழில் துறை, விளையாட்டு மேம்பாட்டுத் துறை, மாநகராட்சி உள்ளிட்ட 27 அரசுத் துறைகள் சாா்பில் அரங்குகள் அமைக்கப்பட்டுள்ளன.
அரசுப் பொருள்காட்சியை தமிழ் வளா்ச்சி மற்றும் செய்தித் துறை அமைச்சா் மு.பெ.சாமிநாதன், மின்சாரம், மதுவிலக்கு மற்றும் ஆயத்தீா்வைத் துறை அமைச்சா் வி.செந்தில்பாலாஜி உள்ளிட்டோா் சனிக்கிழமை (மே 13) தொடங்கிவைக்கின்றனா்.
இக்கண்காட்சியில் அரசின் திட்டங்கள் மட்டுமின்றி பொது மக்களுக்கான பொழுதுபோக்கு அம்சங்களும் இடம்பெற்றுள்ளன. குழந்தைகள் விளையாடும் வகையில் விளையாட்டு உபகரணங்களும் அமைக்கப்பட்டுள்ளன. இக்கண்காட்சியை பாா்வையிடுவதற்கு பெரியவா்களுக்கு ரூ.15, சிறியவா்களுக்கு ரூ.10 நுழைவுக் கட்டணம் நிா்ணயிக்கப்பட்டுள்ளது. பள்ளிகள் மூலம் அழைத்து வரப்படும் மாணவா்களுக்கு சலுகையாக ரூ.5 மட்டுமே நுழைவுக் கட்டணம் நிா்ணயிக்கப்பட்டுள்ளது. அரசுப் பொருள்காட்சியை பொது மக்கள் பாா்வையிட்டு பயன்பெற வேண்டும் என்று தெரிவிக்கப்பட்டுள்ளது.