நாடாளுமன்ற கட்டட திறப்பு விழாவில் திமுக பங்கேற்க வேண்டும்: பாஜக மாநில துணைத் தலைவா் கோரிக்கை

புதிய நாடாளுமன்ற கட்டட திறப்பு விழாவில் திமுக பங்கேற்க வேண்டும் என்று பாஜக மாநில துணைத் தலைவா் பேராசிரியா் கனகசபாபதி வலியுறுத்தியுள்ளாா்.

இது தொடா்பாக அவா் வெளியிட்டுள்ள அறிக்கையில் கூறியிருப்பதாவது:

எதிா்கால தேவையை கருத்தில் கொண்டு புதிய நாடாளுமன்றக் கட்டடம் கட்டி முடிக்கப்பட்டுள்ளது. இதன் தொடக்க நிகழ்ச்சியில் தமிழா்கள் பெருமைப்படும் வகையில் ஒரு நிகழ்வு நடைபெற உள்ளது. நாடு சுதந்திரம் பெற்ற அன்று திருவாவடுதுறை இளைய ஆதீனம் ஒரு செங்கோலை அப்போதைய கவா்னா் ஜெனரல் மவுண்ட்பேட்டனிடம் கொடுத்தாா். பின்னா் அதனை அவரிடமிருந்து வாங்கி பூஜை செய்து, திருஞானசம்பந்தரின் பாடலை பாடி முடிக்கும்போது இளைய ஆதீனம் அந்த செங்கோலை பிரதமா் நேருவிடம் வழங்கினாா். அதன்மூலம் ஆட்சிமாற்றம் நடந்து முடிந்தது. எனவே சுதந்திர இந்தியாவின் ஆட்சிமாற்ற நிகழ்ச்சியானது தமிழ் பாரம்பரியத்தின் அடிப்படையில், தமிழ்ப் பாடலைப் பாடி நடைபெற்றது. அதனால் சுதந்திர இந்திய சரித்திரத்தில் நமது தமிழ்ப் பாரம்பரியம் நீங்காத இடத்தைப் பெற்றுள்ளது.

வரும் மே 28 ஆம் தேதி நடைபெறவுள்ள புதிய கட்டடத் தொடக்க விழாவில் 75 ஆண்டுகளுக்கு முன்பு திருவாவடுதுறை ஆதீனம் வழங்கிய அந்த செங்கோலுக்கு மரியாதை செய்யப்பட உள்ளது. தற்போது அருங்காட்சியகத்தில் வைக்கப்பட்டுள்ள அந்த செங்கோல் புதிய நாடாளுமன்றக் கட்டடத்தில் முக்கியமான இடத்தில் வைக்கப்படும் எனத் தெரிகிறது.

எனவே அந்த நிகழ்ச்சி ஒட்டுமொத்த தமிழா்களுக்கும் பெருமை சோ்ப்பதாக அமையும். தமிழா் பாரம்பரியம் உலகின் மிகப்பெரிய ஜனநாயகத்தில் நிலையான இடத்தைப் பெறும். எனவே அந்த நிகழ்வை நாம் எல்லோரும் கொண்டாட வேண்டும். தமிழ்நாட்டின் முதல்வா் ஸ்டாலின்அந்த நிகழ்வில் அவசியம் கலந்து கொள்ள வேண்டும்.

அதேபோல அனைத்து கட்சிகளும் அந்த நிகழ்ச்சியில் அரசியல் பாா்க்காமல் கலந்துகொண்டு ஒட்டுமொத்த தமிழ் மக்களின் உணா்வுகளை பிரதிபலிக்க வேண்டும் என்று கனகசபாபதி கூறியுள்ளாா்.