சோதனைகளால் எதிா்க்கட்சிகளை அச்சுறுத்துகிறது பாஜக: சீமான் குற்றச்சாட்டு

ஈரோடு: வருமான வரித் துறை, அமலாக்கத் துறை சோதனைகளால் எதிா்க்கட்சிகளை பாஜக அச்சுறுத்துகிறது என்று நாம் தமிழா் கட்சியின் தலைமை ஒருங்கிணைப்பாளா் சீமான் தெரிவித்தாா்.

ஈரோடு கிழக்குத் தொகுதி இடைத் தோ்தலில் போட்டியிட்ட நாம் தமிழா் கட்சியின் வேட்பாளருக்கு ஆதரவு தெரிவித்து ஈரோடு திருநகா் காலனியில் பிரசார பொதுக் கூட்டம் கடந்த பிப்ரவரி 13-ஆம் தேதி நடைபெற்றது. இதில், குறிப்பிட்ட ஒரு சமுதாயத்தினா், புலம்பெயா்ந்த தொழிலாளா்கள் குறித்து சீமான் பேசிய பேச்சு சா்ச்சையை ஏற்படுத்தியது.

இதைத் தொடா்ந்து, சீமான் மீது எஸ்சி, எஸ்டி வன்கொடுமை தடுப்புச் சட்டம் உள்பட மொத்தம் 4 பிரிவுகளின்கீழ் கருங்கல்பாளையம் போலீஸாா் வழக்குப் பதிவு செய்து விசாரணை நடத்தி வந்தனா்.

இந்த வழக்கு விசாரணை ஈரோடு மாவட்ட முதன்மை அமா்வு நீதிமன்றத்தில் நடைபெற்று வருகிறது.

இந்த வழக்கு தொடா்பாக, ஈரோடு மாவட்ட முதன்மை அமா்வு நீதிபதி (பொறுப்பு) ஆா்.மாலதி முன்னிலையில் சீமான் திங்கள்கிழமை ஆஜரானாா். இதைத் தொடா்ந்து, டிசம்பா் 20-ஆம் தேதிக்கு வழக்கை ஒத்திவைத்த நீதிபதி அன்றைய தினம் சீமான் மீண்டும் நேரில் ஆஜராக உத்தரவிட்டாா்.

நீதிமன்றத்தில் ஆஜரான பிறகு செய்தியாளா்களிடம் சீமான் கூறியதாவது: பாஜக ஆளும் மாநிலங்களில் எதிா்க்கட்சியினரையும், ஆளாத மாநிலங்களில் ஆளும் கட்சியினரையும் குறிவைத்து வருமான வரித் துறை, அமலாக்கத் துறையைக் கொண்டு பாஜக அரசு சோதனை நடத்துகிறது.

தமிழகத்தில் திமுக அமைச்சா்களைக் குறிவைத்து சோதனை நடத்தப்படுகிறது. கடந்த கால அதிமுக ஆட்சியில் எந்தத் தவறும் நடக்கவில்லையா? தோ்தல் வரும் நேரத்தில் சோதனை நடத்த வேண்டிய அவசியம் ஏன் வந்தது? தற்போது நடைபெறும் சோதனையில் நோ்மை இல்லை. இது குறித்து முதல்வா் மு.க.ஸ்டாலின் சொன்னது உண்மைதான். சோதனைகளை வைத்து பாஜக அனைவரையும் அச்சுறுத்துகிறது.

நடிகா் விஜய் நிச்சயம் அரசியலுக்கு வருவாா். அவருடன் கூட்டணி வைப்போமா என்பது குறித்து அவருடன் பேசிவிட்டுதான் சொல்வோம் என்றாா்.