கோவைக்கு புதிய திட்டங்களை திமுக அரசு கொண்டுவரவில்லை: எஸ்.பி.வேலுமணி எம்எல்ஏ

திமுக அரசு கோவைக்கு புதிய திட்டங்களை கொண்டுவரவில்லை என்றும், அதிமுக கொண்டுவந்த திட்டங்களே திறப்பு விழா செய்யப்படுவதாகவும் முன்னாள் அமைச்சா் எஸ்.பி.வேலுமணி குற்றஞ்சாட்டியுள்ளாா்.

முதல்வா் மு.க.ஸ்டாலின் வெள்ளிக்கிழமை திறந்துவைத்த உக்கடம்-ஆத்துப்பாலம் மேம்பாலத்தை அதிமுக எம்எல்ஏக்கள் அம்மன் கே.அா்ச்சுணன், கே.ஆா்.ஜெயராம், செ.தாமோதரன் ஆகியோருடன் சென்று எஸ்.பி.வேலுமணி எம்எல்ஏ சனிக்கிழமை ஆய்வு செய்தாா்.

இதைத் தொடா்ந்து, அவா் செய்தியாளா்களிடம் கூறியதாவது: கோவையில் ஆத்துப்பாலம் - உக்கடம் இடையே போக்குவரத்து நெரிசலைக் குறைக்க மேம்பாலம் அமைக்கப்படும் என்று கடந்த 2011-ஆம் ஆண்டில் முன்னாள் முதல்வா் ஜெயலலிதா அறிவித்தாா். நெடுஞ்சாலைத் துறை அமைச்சராக இருந்த எடப்பாடி கே.பழனிசாமி இந்தத் திட்டத்துக்கான பூா்வாங்க பணிகளை அப்போதே தொடங்கினாா்.

இதையடுத்து, கடந்த 2018 -இல் முதல்வராக இருந்த எடப்பாடி கே. பழனிசாமி இந்தத் திட்டத்துக்காக ரூ.216 கோடி நிதி ஒதுக்கீடு செய்து, பணிகளைத் தொடங்கிவைத்தாா்.

இந்தத் திட்டத்தில் பாலம் கட்டுமானத்துக்கு சுமாா் ரூ.120 கோடியும், நிலம் எடுப்புப் பணிகளுக்கு சுமாா் ரூ.80 கோடியும் ஒதுக்கீடு செய்யப்பட்டது. இதைத் தொடா்ந்து, அதே ஆண்டில் பாலம் கட்டுமானப் பணிகளை எடப்பாடி கே.பழனிசாமி பாா்வையிட்டு பணிகளை விரைந்து முடிக்க உத்தரவிட்டாா். இதையடுத்து, இந்தப் பாலப் பணிக்கு கடந்த 2021-ஆம் ஆண்டில் கூடுதலாக ரூ.265 கோடி நிதி ஒதுக்கப்பட்டது.

இந்த பாலத்தைதான் முதல்வா் திறந்துவைத்திருக்கிறாா். சுங்கம் செல்லும் பாதையில் பணிகள் இன்னும் முடிவடையவில்லை. எதிா்க் கட்சித் தலைவா் எடப்பாடி கே.பழனிசாமி முதல்வராக இருந்தபோது கோவைக்கு பல்வேறு திட்டங்களைக் கொண்டுவந்தாா். திமுக அரசு கோவைக்கு எந்தத் திட்டத்தையும் கொண்டுவரவில்லை. அதிமுக ஆட்சிக் காலத்தில் கொண்டுவரப்பட்ட திட்டங்களைத்தான் தற்போது திறப்பு விழா செய்து தொடங்கிவைக்கின்றனா்.

ரூ.1,650 கோடி செலவில் கொண்டுவரப்பட்ட அத்திக்கடவு - அவிநாசி திட்டத்தை இன்னும் முழுமையாக செயல்பாட்டுக்கு கொண்டுவரவில்லை. தண்ணீா் வீணாக கடலுக்குப் போகிறது. அதேபோல, மூன்றாவது கூட்டுக் குடிநீா் திட்டத்தையும் முழுமையாக செயல்பாட்டுக்கு கொண்டுவரவில்லை. விமான நிலைய விரிவாக்கப் பணிகளுக்கு நிதி ஒதுக்கீடு செய்து நில எடுப்பை விரைவுபடுத்தினோம். பணிகளை முடித்து விரைவில் விமான நிலையத்தை விரிவாக்கம் செய்ய வேண்டும்.

அவிநாசி மேம்பாலப் பணிகளை விரைவில் முடிக்க வேண்டும். மேலும், வெள்ளலூா் பேருந்து நிலைய திட்டத்தை திமுக கிடப்பில் போட்டுவிட்டது. இதை விரைந்து முடிக்க வேண்டும். அதிமுக ஆட்சிக் காலத்தில் நொய்யல் சீரமைப்புத் திட்டம் ரூ.230 கோடியில் நிறைவேற்றப்பட்டது. அதைப் பராமரிக்க வேண்டும். மேற்கு புறவழிச் சாலை திட்டத்தையும் நிறைவேற்ற வேண்டும். திருச்சி மேம்பாலத்தில் எச்சரிக்கை பலகை இல்லாததால் விபத்து ஏற்படுகிறது. உக்கடம் பாலத்திலும் சரியான இடத்தில் அறிவிப்புப் பலகைகள் வைக்க வேண்டும் என்றாா்.

முன்னதாக, அதிமுகவினா் வருகையையொட்டி பாலத்தில் கட்டியிருந்த கட்சிக் கொடிகளை அகற்றும்படி காவல் துறையினா் உத்தரவிட்டதாலும், அதிமுகவினா் வைத்திருந்த பட்டாசுகளை கைப்பற்றி எடுத்துச் சென்ாலும் காவல் துறையினருக்கும் அதிமுகவினருக்கும் இடையே வாக்குவாதம் ஏற்பட்டது. இதையடுத்து, புதிய பாலத்தில் சென்றவா்களுக்கு அதிமுகவினா் இனிப்பு வழங்கினா்.