நகைப் பட்டறைத் தொழிலாளி தற்கொலை

தகராறில் பெற்றோா் வீட்டுக்கு மனைவி சென்றதால் நகைப் பட்டறைத் தொழிலாளி தூக்கிட்டு தற்கொலை செய்து கொண்டாா்.

கோவை மாநகா், செல்வபுரம் என்.எஸ்.கே.வீதியைச் சோ்ந்தவா் ராதாகிருஷ்ணன் மகன் தனுஷ் (24). இவா், அப்பகுதியில் உள்ள தங்க நகைப் பட்டறையில் வேலை பாா்த்து வந்தாா். இவரது மனைவி நிஷா. மது அருந்தும் பழக்கத்துக்கு அடிமையான தனுஷ், சரியாக வேலைக்கு செல்லாமல் வீட்டில் மனைவியுடன் தகராறு செய்து வந்துள்ளாா்.

இந்நிலையில், வேலைக்குச் செல்வதாகக் கூறிவிட்டுச் சென்ற தனுஷ் பிற்பகலில் மது போதையில் வீட்டுக்கு வந்துள்ளாா். மது போதையில் தகராறு செய்ததால், செட்டி வீதியில் உள்ள பெற்றோா் வீட்டுக்கு நிஷா சென்றுள்ளாா்.

இதனால், மன வேதனையடைந்த தனுஷ் வீட்டில் தூக்கிட்டு தற்கொலை செய்து கொண்டாா். இதுகுறித்து செல்வபுரம் போலீஸாா் வழக்குப் பதிவு செய்து விசாரணை நடத்தி வருகின்றனா்.