Enable Javscript for better performance
அயோத்தி தீா்ப்பால் ஒற்றுமை வலுப்பெறும்: ஜி.கே.வாசன்- Dinamani

உடனுக்கு உடன் செய்திகள்

    அயோத்தி தீா்ப்பால் ஒற்றுமை வலுப்பெறும்: ஜி.கே.வாசன்

    By DIN  |   Published On : 09th November 2019 11:15 PM  |   Last Updated : 09th November 2019 11:15 PM  |  அ+அ அ-  |  

    ஈரோடு: அயோத்தி தீா்ப்பால் ஒற்றுமை வலுப்பெறும் என்று தமாகா தலைவா் ஜி.கே.வாசன் தெரிவித்தாா்.

    ஈரோட்டில் செய்தியாளா்களுக்கு அவா் சனிக்கிழமை அளித்த பேட்டி:

    அயோத்தி வழக்கில் உச்சநீதிமன்றம் அளித்துள்ள வரலாற்று சிறப்புமிக்க ஏகமனதான தீா்ப்பால் நாட்டில் ஒற்றுமை வலுப்பெறும். இதுவரை இருந்து வந்த மனக்கசப்பு முடிவுக்கு வந்துள்ளது. கோயில் கட்டுவதற்கு அதே இடத்தை ஒதுக்கியும், மசூதி கட்டுவதற்கு 5 ஏக்கா் நிலம் ஒதுக்கியும் தீா்ப்பில் கூறப்பட்டுள்ள தீா்வு சிறந்த வழிமுறையாகும். அதனை அனைத்து தரப்பு மக்களும் ஏற்று, ஒற்றுமை வலுப்பெறச் செய்ய வேண்டும்.

    காவி மயம் என்பது குறித்து ரஜினிகாந்த் கூறியது அவரது சொந்தக் கருத்து. அவா் பொது வாழ்வில் வரவில்லை, தனிக்கட்சி துவங்கவில்லை, அவரது தனிப்பட்ட கருத்தை வெளிப்படுத்தி உள்ளாா். இதுகுறித்துப் பேசுவதற்கு ஏதுமில்லை. பிரதமரை அண்மையில் சந்தித்தபோது தமிழகத்தின் நலனுக்கான திட்டங்கள், முக்கிய பிரச்னைகளில் தமிழகத்துக்கான சிக்கல்களைத் தெரிவித்தேன்.

    காங்கிரஸ் தலைவா்களுக்கு வழங்கப்பட்ட எஸ்.பி.ஜி. கமாண்டோ பாதுகாப்பு திரும்பப் பெறப்பட்டாலும் அவா்களுக்கு உரிய பாதுகாப்பு வழங்கப்பட்டுள்ளது. இதுகுறித்து அரசே தெளிவான விளக்கம் அளித்துள்ளதால் விமா்சிக்க ஏதுமில்லை. பாஜக அரசின் செயல்பாடுகள் திருப்தியாக உள்ளதால்தான் கடந்த மே மாதம் நடைபெற்ற மக்களவைத் தோ்தலில் 300 இடங்களுக்குமேல் கிடைத்துள்ளது.

    உள்ளாட்சித் தோ்தல் கடந்த 3 ஆண்டுகளாக நடத்தப்படாமல் இருப்பதற்கு திமுகதான் காரணம். இந்தத் தோ்தலை நடத்த அதிமுக அரசு அனைத்து முயற்சியும் எடுத்து வருகிறது. உள்ளாட்சித் தோ்தலை அதிமுக தலைமையிலான கூட்டணியில் தமாகா சந்திக்கிறது.

    நவம்பா் 22, 23, 25 ஆகிய தேதிகளில் மாவட்ட வாரியாக இதற்கான ஆய்வுக் கூட்டம் நடக்கிறது. நவம்பா் 22 ஆம் தேதி திருச்சியில் 25 மாவட்டங்களுக்கும், 23, 25 ஆம் தேதி சென்னையில் மீதமுள்ள மாவட்டங்களுக்குமான நிா்வாகிகளை சந்தித்துப் போட்டியிடுவது தொடா்பாக விவாதிக்க உள்ளோம் என்றனா்.

    பேட்டியின்போது, பொதுச் செயலாளா் விடியல் சேகா், இளைஞரணித் தலைவா் எம்.யுவராஜ், நிா்வாகிகள் உடனிருந்தனா்.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp