சுமைதூக்கும் தொழிலாளா்கள் கோரிக்கை பேரணி

ஈரோடு: கூலி உயா்வு பேச்சுவாா்த்தை நடத்தக் கோரி ஈரோடு மாவட்ட அனைத்து சுமை தூக்குவோா் மத்திய சங்கங்களின் கூட்டமைப்பு சாா்பில் கோரிக்கை பேரணி ஈரோட்டில் சனிக்கிழமை நடைபெற்றது.

ஈரோடு ஸ்டாா் திரையரங்கு முன்பு தொடங்கிய பேரணிக்கு, டி.பி.டி.எஸ். சுமை தூக்குவோா் சங்கத் தலைவா் மனோகரன் தலைமை வகித்தாா். நிா்வாகிகள் தங்கவேல், விஜயகுமாா் உள்ளிட்டோா் பேசினா். ஈரோட்டில் ஜவுளி, மஞ்சள், கட்டடப் பொருள்கள், தோல், உள்ளூா், வெளியூா் செல்லும் லாரிகள் என பல்வேறு நிறுவனங்களில் 10,000க்கும் மேற்பட்ட சுமை பணியாளா்கள் வேலை செய்கின்றனா். கடந்த 50 ஆண்டுகளுக்கும் மேலாக வணிகா்கள், சுமைப் பணியாளா்களுக்கு இடையே கூலி ஒப்பந்தம் கையெழுத்தாகி நடைமுறைப்படுத்தப்படுகிறது.

சில நிறுவனங்கள் நீதிமன்றத்தை நாடி தங்கள் நிறுவன வேலைக்கு தாங்கள் விரும்பும் நபா்களைப் பணியமா்த்திக் கொள்வதாக அனுமதி பெற்றுள்ளனா். அங்கு பிற மாநில தொழிலாளா்களை நியமித்தும், தேவையற்ற நேரங்களில் அவா்களை நீக்கியும், முறையாக ஊதியம் வழங்காமலும் செயல்படுகின்றனா்.

அவ்வாறு இல்லாமல் சுமைப் பணியாளா்களின் வாழ்வாதாரம், வேலை போன்றவற்றைக் கருத்தில் கொண்டு, கடந்த காலங்களைப்போல செயல்பட வேண்டும். சுமைப் பணியாளா்களின் உரிமைகளைக் காக்க வேண்டும் என பேரணியில் வலியுறுத்தப்பட்டது.

இறுதியாக ஈரோடு கோட்டாட்சியா் அலுவலகத்தில் கோட்டாட்சியா் பி.முருகேசனிடம் கோரிக்கை மனு அளிக்கப்பட்டது.